Boucle du Mouhoun (Regiuun)

Det Boucle du Mouhoun Regiuun (üüb Fraansöösk: La Région de la Boucle du Mouhoun [bukl dy mu.un]) as en regiuun uun de aafrikoons stoot Burkiina Faaso. At regiuun leit uun a waast faan't lun an as efter de Mouhoun Struum neemd. Uun a nuurdwaast leit Maali, uun a süüd lei dön Hauts-Bassins an Sud-Ouest Regiuunen an uun a uast dön Centre-Ouest an Nord Regiuunen. At regiuun hee 1.434.847 lidj (2006). At hoodsteed faan't regiuun as Dédougou.

Tekst üüb Fering


Det Boucle du Mouhoun Regiuun uun Burkiina Faaso

Geografii

At regiuun as tausis grater üüs Sleeswich-Holstian. De Nanga Berig (417 m), wat de aachsthuuchst berig uun Burkiina Faaso as, leit uun det Sourou Prowins faan detheer regiuun. De Mouhoun Struum leept faan a süüdwaast tu a maden faan't regiuun, huar de Sourou Struum iin uuna struum leept. Do bocht de Mouhoun tu a süüduast an leept tu at grens twesken det Boucle du Mouhoun Regiuun tu det Centre-Ouest Regiuun. Diarefter leept a struum tu a süüd an biljet at uastgrens faan't regiuun, mä ütjnoom faan en letj dial faan't regiuun uun a süüd, wat üüb a uasteeg leit.

Indialing faan Ferwalting

At regiuun hee seeks prowinsen.

Prowins Grate (km²)[1] Lidj (2006)[1] Hoodsteed
1Balé4596213.423Boromo
2Banwa5888269.375Solenzo
3Kossi7328278.546Nouna
4Mouhoun6659297.350Dédougou
5Nayala3923163.433Toma
6Sourou5768220.622Tougan

Histoore

At regiuun, üüs dön twaalew öler regiuunen uun Burkiina Faaso, wurd 2. Jüüli 2001 grünjlaanjen.

Politiik

A guwernöör faan't regiuun sant 2011 as Victor Dabiré.

Kwelen
  1. Burkina Faso, citypopulation.de
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.