Auckland (Steed uun Nei-Sialun)

Auckland ([ˈɔːk.lənd]; üüb Maori: Tāmaki-makau-rau of Ākarana) as det gratst steed uun Nei-Sialun. At Steed leit uun a nuurd faan Nuurd-Eilun. Det hee 1.440.300 lidj (2022)[1].

Tekst üüb Fering


Auckland (Steed uun Nei-Sialun) (Nei-Sialun)
Auckland (Steed uun Nei-Sialun) (Nei-Sialun)
Auckland uun Nei-Sialun

Geografii

Auckland leit üüb de 380 km lung an tu 80 km briad luntong uun a nuurd faan Nuurd-Eilun. At steed leit twesken tau huuwner: det Manukau-Huuwen uun a süüd, wat tu det Tasman-Sia ferbünjen as an de Waitematā-Huuwen uun a nuurd, wat tu a Pasiifik ferbünjen as. Uun a uast as de Hauraki-Golf, uun a süüduast dön Hunua-Berger, an uun a waast an nuurdwaast dön Waitākere-Berger an öler letjer berger.

Histoore

At gebiit faan't Auckland faan nü wurd amanbi't juar 1350 faan a Maori besiidelt. Feestmaaget taarpen (üüb Maori: pā) wurd uun't gebiit bagd. At steed Auckland wurd de 18. September 1840 grünjlaanjen. At steed wiar faan 1840 tu 1865 at hoodsteed faan Nei-Sialun.

Kultüür
A Klooktörn uun det University of Auckland

Det gratst uniwersiteet uun Nei-Sialun, det University of Auckland (Maori nööm sant 2021: Waipapa Taumata Rau; iar Te Whare Wānanga o Tāmaki-makaurau), as uun Auckland.

Kwelen
  1. New Zealand: Major Urban Areas, citypopulation.de
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.