Abel faan Denemark

Könang Abel (* 1218, † 29. Jüüne 1252 bi Oldenswort) wiar en däänsken könang. Hi wiar di sön faan di däänsk Könang Waldemar II. an sin naist wüf Berengaria faan Portugal (* ~1195; † 27. Maarts 1221). 1232 wurd Abel Hertooch faan Jütlun. Üs hi Mechthild, det doochter faan Groof Adolf IV. faan Holstian freid, slood hi ham mä Holstian tuup.

Tekst üüb Öömrang

Könang Abel

Efterkemen

Abel an Mechthild hed sjauer jongen:

Waldemar III. (Schleswig) (* 1238; † 1257), hertooch faan Schleswig 1252–1257
Sophie (* 1240; † efter 1284) ∞ Bernhard I. (Anhalt) († 1286/87), föörst faan Anhalt-Bernburg
Erik I. (Schleswig) († 1272), hertooch faan Schleswig 1260–1272
Abel (* 1252; † 1279), her faan Langeland 1261-79

Efter di duas faan san bruder, könang Erik IV. "Plovpenning[1]", huar Abel ei gans ünskilag[2] bi wiar, wurd Abel uun't juar 1250 Erik IV. san efterfulger. Könang Abel fool a 29. Jüüne 1252 uun di sliak bi Oldenswort. A Fresken wul Abel nian stüüren betaale, auer jo faan keiser Karl di Grat a "Fresk freihaid" füngen hed. A büüren faan a hiirden Eidersteed, Everschop an Uthörn strääd jin a däänsk soldooten. Diarbi skal Abel üüb a Milderdoom bi Mildeborag amkimen wees. Leederhen wurd ferteld, Wessel Hummer faan Ual-Nuurdstrun hed Abel duadskööden.

Literatuur

Albert Panten: König Abels Tod - Ende einer Legende. Uun: JbNF 16 (1980), S. 117-126.

Futnuuten

Det ment so föl üs "pluch-panang". För arke pluch skul a büüren en stüür betaale.
At as temelk seeker, dat Abel di üübdrach den hää, Erik amtubringen. Uun Denemark sait'am: "Abel af navn, Kain af gavn" (Abel het'er, man Kain as'er).

Luke uk diar

Commonskategorii: Könang Abel – Saamlang faan bilen of filmer

Föörgunger	Amt	Efterfulger
Erik IV. Plovpenning	Könang faan Denemark 1250–1252	Christoph I.
Erik IV. Plovpenning	Hertooch faan Schleswig 1232–1252	Waldemar III.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Det ment so föl üs "pluch-panang". För arke pluch skul a büüren en stüür betaale.

[2] At as temelk seeker, dat Abel di üübdrach den hää, Erik amtubringen. Uun Denemark sait'am: "Abel af navn, Kain af gavn" (Abel het'er, man Kain as'er).