Cél articllo est ècrit en arpetan supradialèctâl / ORB lârge. Lo blâson panarpetan


Vensonna – en francês Veysonnaz – est una comena arpetana du quenton du Valês et na stacion de sports d’hivèrn suissèssa.

L’est la comena la ples petiôta du canton, avouéc na supèrficie de 114 ha.

Situacion de la comena dedens lo district de Sion.

G·eografia

Ele sè trôve dedens lo district de Sion, quatro kilomètros a mié-jorn de Sion, et sus la montagne a gôche du Rôno.

Patrimouèno

Combat de vaches a Vensonna.
  • L’égllése Noutra-Dâma ôxiliatrice de Vensonna, construite en 1908.[1][2] La vôga de Noutra-Dâma de Vensonna est lo 24 de mê.
  • Grant biéd de Vex (en francês Grand Bisse de Vex), construit u XVémo siècllo
  • Biéd de Salins (Bisse de Salins)

Tourismo

La stacion de sports d’hivèrn de Vensonna fat partia du doméno de sport d’hivèrn «Quatro valâs», avouéc Nenda, Thyon, La Tsoumaz et Verbier.[3]

Una tèlècabina inôgurâye lo 22 de j·ulyèt 1961 mène du velâjo sus la montagne a Chouribi et Thyon yô que comence la piste de squi dèta Pista de l’Ôrs.[4] Cete pista, fâta dedens un bouesc,[5] est famosa per doux-três compèticions entèrnacionâles de squi et de snowboard.

Bibliografia

  • C. Lathion, Veysonnaz, 1981.

Lims de defôr

Notes

  1. ↑ Eglise de Veysonnaz
  2. ↑ 100 ans de l’église de Veysonnaz
  3. ↑ La glisse au coeur des 4 Vallées
  4. ↑ Les 50 an de Télé-Veysonnaz
  5. ↑ Piste de l’Ours – Saga du Déboisement
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.