Tetrapoda

Cél articllo est ècrit en arpetan supradialèctâl / ORB lârge.

Tetrapoda

Tètrapodos de les quatro cllâsses d’ora : na renolye (’n amfibien), ’n hoatsin hupâ (’n usél), na rata (un mamifèro) et pués un plèstiodont’a téta lârge (un rèptilo)

Cllassement d’aprés ITIS

Règno	Animalia
Sot-règno	Bilateria
Enfra-règno	Deuterostomia
Fôrche	Chordata
Sot-fôrche	Vertebrata
Enfra-fôrche	Gnathostomata

Supèr-cllâssa

Tetrapoda
Goodrich, 1930

Cllâsses de renche de desot

• Amphibia (Amfibiens)
• cllâdo Amniota :
  • Sauropsida (avouéc los Rèptilos et los Uséls)
  • Synapsida (avouéc los Mamifèros)

Los tètrapodos (Tetrapoda) fôrmont na supèr-cllâssa de bétyes vèrtèbrâyes gnatostomes que l’esquelèta presente d’habituda doux pârs de membros et pués que la rèspiracion est normalament pormonèra, a muens a l’ètat adulto. Los membros pôvont avêr disparu pendent l’èvolucion (sèrpents per ègzemplo). Cela tropa comprend los amfibiens, los rèptilos, los uséls et pués los mamifèros.