![]() |
Cél articllo est ècrit en arpetan supradialèctâl / ORB lârge. | ![]() |
Jean Louis Rodolphe Agassiz
![](../I/Louis_Agassiz.jpg.webp)
Louis Agace – néssu lo 28 de mê 1807 a Môtier (enqu’houé un velâjo de la comena de Mont-Vulyi, Quenton de Fribôrg; môrt lo 14 de dècembro 1873 a Cambridge, Massachusetts – est un chèrchior suisso et arpetan et pués amèriquen.
Biografia
Originère du quenton de Fribôrg, aprés des ètudes a Bièna, Losena, Tsurique, Heidelberg et Munich, vint doctor en filosofia a Erlangen et doctor de mèdecina a Munich, en 1930. Pués il vive a Paris, yô qu’el ètude, près Alexander von Humboldt, la g·eologia et la zoologia.
Il fat des rechèrches sus les pêssons du lèc de Nôchâtél et vint, en 1832, professor de l’Acadèmia de Nôchâtél. Il est lo fondator de la Sociètât des sciences naturèles de Nôchâtél. Il continue des rechèrches en palèontologia, al’éde de la British Science Association et de la Geological Society of London et il vint membro de la Royal Society a Londro.
Dês 1837, Louis Agace mène des rechèrches sus les gllaciérs des Ârpes, sus la bâsa des ètudes de Horatio Benêt de Saussure, Ignace Venetz et Jian de Charpentier. Agace est lo premiér a trètar la tèoria de l’Âjo gllaciéro d’Eropa.[1]
De 1842 tant qu’en 1846 publie lo Nomenclator zoologicus.
A l’éde du rê de Prusse, il fat lo viâjo ux Ètats-Unis, yô que il vint, en 1847, professor a l’univèrsitât de Harvard a Cambridge, Boston, Massachusetts.
![](../I/Agassizhorn_Finsteraarhorn.jpg.webp)
Mémouère
- Sus la tomba de Louis Agace est una piérra transportâye de la morêna sus lo gllaciér de l’Âra en canton de Bèrna.
- Una montagne dedens les Ârpes bèrnèses est nomâye Pic Agace (en alemand: Agassizhorn).
- Une place en vela de Nôchâtél ére nomâye Place Agassiz. En 2018, la place at perdu celi nom, a côsa des tèories racistes d Agassiz, et l’ at reciu lo nom d’ Espace Tilo-Frey.[2]
- Entre-mié l’Alaska et lo Yukon sè trôve lo « Gllaciér Agassiz »
- Lo Montana at un ôtro « Gllaciér Agassiz »
- Sus na îla de l’Arch·ipél des Kerguelen est un « Gllaciér Agassiz »
- L’Argentina at asse-ben un « Gllaciér Agassiz ».
- Una piérra èrratica, a Mont-Vulyi, en Suisse, transportâye per lo gllaciér du Rôno, est nomâye « Piérra Agace »[3]
Bibliografia
- Marc-Antoine Kaeser : Un savant séducteur. Louis Agassiz (1807-1873), prophète de la science. 2007.
- J.-P. Schaer : (2000). Agassiz et les glaciers : sa conduite de la recherche et ses mérites, dedens : Eclogae geologicae Helvetiae, vol. 93, 2000, p. 231-256.
Sôrses
- Fonds Agassiz dedens les Arch·ives cantonèles nôchâtélèses
Lims de defôr
Rèferences
- ↑ Louis Agassiz : Études sur les glaciers , 1837, 1840.
- ↑ Jocelyn Daloz : « Neuchâtel rebaptise l’Espace Louis-Agassiz : Le scientifique aux thèses racistes doit céder la place à Tilo Frey, femme, métisse et pionnière de l’égalité », dedens : Le Temps, 7 sèptembro 2018.
- ↑ Pierre Agassiz