Droblo tornês

Çt’articllo est ècrit en arpetan dombisto / ORB lârge. Lo blâson de la Domba


Pâge d’éde sus les ôtres grafies Por l’articllo en CFLL dombista, vêde Doblo tornè.
Doblo tornês Hanri III.

Lo doblo deniér tornês[N 1], apelâ d’habetuda[V 1] doblo tornês[N 2], est na vielye monéya de na valor de doux deniérs tornês èmetua per los rês de France depués[V 2] la fin du XIIIémo siècllo. Sè rapondéve dedens lo sistèmo tornês : siéx doblos tornês formâvont un liârd tornês. Vengt liârds tornês formâvont na livra tornêsa.

Lo doblo tornês at étâ batu pendent un mouél de siècllos, depués Felipo lo Biô[V 3] tant qu’a Louis XIV. Çta[V 4] monéya at cognu na bien granda[V 5] reusséta depués lo règno d’Hanri III pués[V 6] desot los règnos d’Hanri IV pués de Louis XIII.

Pôvont metre[V 7] a pârt doux temps de produccion des doblos tornês :

  • lo temps mèdièvâl pués post-mèdièvâl, yô que lo doblo tornês est na monéya de belyon fabrecâ[V 8] a la man ;
  • lo temps depués Hanri III tant qu’a Louis XIV yô que lo doblo tornês est na monéya de couévro[V 9] pur fêta avouéc des moyens modèrnos de produccion.

Notes pués rèferences

Notes

  1. ↑ Diont arriér-més « lo droblo deniér tornês » d’aprés los patouès arpetans.
  2. ↑ Diont étot « droblo tornês » d’aprés los patouès arpetans.

Vocabulèro

  1. ↑ Varianta dombista [d‿ab.ˈtəː.da] de « d’habituda » loc adv.
  2. ↑ Varianta dombista [de.ˈpi] de « dês » prèp.
  3. ↑ Varianta dombista [bjo] de « bél » a m.
  4. ↑ Varianta dombista [sta] de « cela » a dèm f.
  5. ↑ Varianta dombista [ˈɡrã.da] de « granta » a f.
  6. ↑ « pués » [pi] conj est lo mot dombisto por « et » conj pués « et pués » loc conj.
  7. ↑ « metre » [ˈmɛː.trə] v est lo mot dombisto por « betar » v.
  8. ↑ Varianta dombista [fa.brə.ˈko] de « fabrecâye » pp f.
  9. ↑ Varianta dombista [ˈkɥi.vrɔ] de « couevro » m.

Rèferences

    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.