Tuvalu

Tuvalu er ein kyrrahavsoyggj. Íbúgvarnir á Tuvalu eru av polynesiskum uppruna, og er talan um ein av fólkafátækastu statunum í heiminum. Bert Vatikanið hevur færri íbúgvar. Bert 10 544 fólk búleikast spjadd út á níggju koralloyggjum. Kyrrahavsparadísið Tuvalu er miðskeiðis millum Hawaii og Avstralia. Oyggjarnar byggja á koral­riv, sum vaksa spakuliga, so hvørt sum havið fløðir. Spurningurin er tó, um havið komandi árini fløðir skjótari enn higartil, so oyggjarnar hvørva av heimskortinum. Um havið ikki fløðir so nógv, kunnu stórir trupulleikar tó standast av vatnflóð og stormskaðum, sum oyðileggja grøði og drekkivatn. Hægsti blettur á oyggjunum er bert 5 metrar yvir havinum. Teir uml 12.000 íbúgvararnir á teimum 9 oyggjunum hava fingið loyvi at flyta til Nýsælands, um hóttanin gerst veruleiki [1].

Tuvalu

(Flagg Tuvalu) (Skjaldarmerki Tuvalu)
Tjóðarslagorð: "Tuvalu mo te Atua"
Tjóðsangur: "Tuvalu mo te Atua"
Alment mál	Tuvaluskt Enskt
Høvuðsstaður	Funafuti
Kongur	Charles III
Forsætisráðharri	Feleti Teo
Fullveldi	1. oktober 1978 (frá Bretlandi)
Vídd  - tilsamans  - vøtn (%)	26 km² 0.0 %
Íbúgvar  - tilsamans 2021  - tættleiki	11 900 457.69/km²
Gjaldoyra	Avstralskt dollar Tuvalskt dollar
Tíðarøki	UTC +12
Økisnavn á alnetinum	.tv
Telefonkota	+688

Frá tíðliga í fyrru øld og fram til 1978 var Tuvalu bretskt hjáland. Tað var tá kent undir heitinum, Ellice Islands. Tuvalu er við sínum 9000 íbúgvum limaland 189 í felagskapi Sameindu Tjóða. Í vídd er Tuvalu við sínum 26 km² 4. minsta landið í heiminum. Minni enn Tuvalu eru Vatikanstaturin, Monako og Nauru. Tá talan er um fólkatal, er Tuvalu næstminsta landið í heiminum. Tað er bert Vatikanstaturin, ið hevur færri íbúgvar enn teir 9000, sum eru á Tuvalu. Tuvalu liggur 1000 kilometrar norðan fyri Fijioyggjarnar í Kyrrahavinum.