Kommunalreformur 2007 (Danmark)
Kommunalreformurin ella Strukturreformurin ella er heitið á avtaluni í Danmark um samanlegging av nógvum kommunum, skiftið av 13 amtum við 5 regiónum og skifti av 15 statsamtum við 5 statsforvaltningum eins og avtøka av Hovedstadens Udviklingsråd (HUR) og Hovedstadens Sygehusfællesskab (H:S), sum varð viðtikið av flokkunum Venstre, Konservative, Dansk Folkeparti, Socialdemokraterne og Radikale Venstre 16. juni 2005, og sum kom í gildi 1. januar 2007.
Strukturreformurin kom ístaðin fyri strukturin við kommunum og amtum, sum vóru innførdar við Kommunalreforminum í 1970 (sí eisini Kommunalreform um aðrar kommunalreformir í Danmark).
Eitt yvirlit yvir bæði tann gamla og tann nýggja strukturin sæst á síðuni um danskar kommunur.
Samanløgdu kommunurnar vóru bygdar í 2006 av eini samanleggingarnevnd, mannað av tí gomlu kommunalnevndini, ið er vald á kommunulvali í november 2005. Í hesum kommunum er valskeiðið fyri gomlu kommununevndirnar longt við einum ári, so tann gamli struktururin framhaldandi kann virka, meðan tann nýggi verður bygdur.
Tal av kommunum og íbúgvatal ígjøgnum tíðirnar
| Kommunubýtið eftir íbúgvatali | |||
|---|---|---|---|
| Íbúgvatal | Tal av kommunum | ||
| fyri 1. apríl 1970 | frá 1. apríl 1974 | frá 1. januar 2007 | |
| 150.000- | 1 | 4 | 4 |
| 100.000-150.000 | 3 | 1 | 2 |
| 40.000-100.000 | 10 | 18 | 50 |
| 20.000-40.000 | 22 | 25 | 35 |
| 15.000-20.000 | 13 | 24 | 0 |
| 10.000-15.000 | 22 | 41 | 3 |
| 3.000-10.000 | 206 | 160 | 3 |
| -3.000 | 821 | 2 | 1 |
| Tilsamans | 1.098 | 275 | 98 |
Nýggju regiónirnar
- Región Høvuðsstaðurin umfatar Københavns, Bornholms og Frederiksberg kommunur eins og fyrrverandi Frederiksborg og fyrrverandi Københavns Amt.
- Región Sjælland umfatar fyrrverandi Roskilde, Vestsjællands og Storstrøms amt.
- Región Suðurdanmark umfatar fyrrverandi Fyns, Sønderjyllands og Ribe amt, eins og syðru helvt av Vejle Amt.
- Región Miðjútland umfatar fyrrverandi Ringkjøbing Amt, Mariager Kommuna Århus Amt tó undantikið einum parti av Mariager Kommuna, syðru helvt av fyrrverandi Viborg Amt og norðastu helvt av fyrrverandi Vejle Amt.
- Región Norðurjútland umfatar fyrrverandi Nordjyllands Amt, norðastu helvt av fyrrverandi Viborg Amt eins og tann partin av Mariager kommunu, sum ikki kom undir Región Miðjylland.
Nýggju kommunurnar (1. januar 2008)
Keldur/ávísingar
- Archived 2007-10-05 at the Wayback MachineKraks kort (kann prentast; tó ikki kommunumarkið)
- 98 nýggju kommunurnar pr. 1. januar 2007 visualiseraðar á Google Map
- Danmarks Statistik: Nøgle mellem gamle og nye kommuner.
- Lov nr. 537 af 24-06-2005 om regioner og om nedlæggelse af amtskommunerne, Hovedstadens Udviklingsråd og Hovedstadens Sygehusfællesskab
- DR's tema om kommunalreformen
- Erik Harder: Dansk kommunestyre i grundtræk. 4. udgave. København 1985. Forlaget Kommuneinformation. ISBN 87-7316-211-6
- Ove Hansen: Sådan styres kommunen. 1. udgave. 1. oplag. 1978. AOF's Forlag og Forlaget Fremad. ISBN 87-7403-131-7