Kigali

Kigali, Rwanda
Land:	Rwanda
Vídd:	730 km²
Íbúgvar (2012):	1 132 686
Tíðarzona:	UTC +2
Heimasíða:	kigalicity.gov.rw

Kigali er høvuðsstaðurin og størsti býur í Rwanda.

Býurin liggur mitt í landinum, í eini hædd millum 1433 og 1645 metrar yvir havinum. Fólkatalið er umleið 860.000, við forstøðum er tað meira enn 1,32 milliónir. Áin Nyabarongo rennur tætt fram við býinum. Flogvøllurin Kigali International Airport liggur í forstaðinum Kanombe, 5 km eystanfyri miðbýin. Økið kring býin, sum er ein av teimum 5 landslutum í Rwanda, kallast Umujyi wa Kigali á kinyarwanda, ella Kigali Province á enskum.

Søga

Kigali varð grundlagdur í 1907. Stigtakarin var týski læknin Richard Kandt. Hann leitaði eftir upprunakeldum Niláar í Rwanda.[1][2] Býurin er høvuðsstaður síðan 1962; árið, tá ið Rwanda gjørdist sjálvstøðug tjóð.

Í 1994 byrjaði fólkadrápið í Rwanda í høvuðsstaðinum Kigali tann 7. april. Umleið 100.000 íbúgvar av høvuðsstaðinum mistu lívið, meðan millum 800.000 og 1.000.000 fólk doyðu kring alt landið.

Síðan 2019 er Parfait Busabizwa fyribils borgarstjóri í Kigali.[3]

Myndasavn

Kigali í 2010.
Gøta í Kigali í 2013.
Tinghúsið
Flogvøllurin
Áin Nyabarongo tætt við Kigali.
Áin Nyabarongo (Akagera-Nilá) rennur tætt fram við býinum.
Náttúrufrøðiliga savnið í gomlu húsunum hjá Kandt.

Sí eisini

Afrika

Ávísingar úteftir

Almenna heimasíða, kigalicity.gov.rw

Keldur

The Legacy of Dr. Richard Kandt, newtimes.co.rw
Museum of Natural History Kandt House, museum.gov.rw
"Outgoing City Mayor Hands Over to the acting Mayor". kigalicity.gov.rw. 2019-08-16. Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2019-08-16. http://archive.today/2vrcR.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] The Legacy of Dr. Richard Kandt, newtimes.co.rw

[2] Museum of Natural History Kandt House, museum.gov.rw

[3] "Outgoing City Mayor Hands Over to the acting Mayor". kigalicity.gov.rw. 2019-08-16. Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2019-08-16. http://archive.today/2vrcR.