Jarnbardur

Jarnbardur er eitt seksmannafar hjá Róðrarfelagnum Knørri (RK) á Skálatrøð í Tórshavn. Hann er bláur við hvítari rond og hevur føroyskan stavn, sum eisini er eitt av sermerkjum felagsins.

Jarnbardur 2004

Navnið Jarnbardur stavar frá kvæðinum um Ormin Langa, sum er navnakelda til allar bátarnar hjá Róðrarfelagnum Knørri, og rógvarar á Jarnbardi hava sum allir rógvarar í felagnum eina ørindisreglu úr kvæðinum á búna sínum.

Jarnbardur

Jarnbardur hevur vunnið flest føroyameistarheitir í bólkinum 6-mannafør kvinnum, við 18 FM heitum tilsamans. Jarnbardur gjørdist føroyameistari hjá kvinnum árini; 1991, 1992, 1993, 1997, 1999, 2000, 2002, 2004, 2005, 2007, 2008, 2013, 2014, 2015, 2020, 2021, 2022 og 2023.[1] Tað er tað mesta, av nøkrum báti, í nakrari deild í kappróðri.

Jarnbardur hevur eisini vunnið 1 føroyameistarheiti, í 6-mannaførum monnum, sum teir vunnu í 2013

Verandi Jarnbardur er tann triði í røðini; tann fyrsti kom í 1990.