Jákup á Borg
Jákup á Borg (føddur 26. oktober 1979) er ein føroyskur fótbóltsvenjari og fyrrverandi fótbóltsleikari, sum í løtuni er venjari hjá B68 í Betrideildini, har hann hevur verið venjari síðani 2022. Áðrenn tað var hann venjari hjá B36 frá 2017 til 2020.
Jákup á Borg
Hann hevur spælt 62 A-landsdystir fyri Føroyar og skotið 2 mál. Harumframt hevur hann spælt 5 dystir við U19- og 6 við U17-landsliðnum.
Jákup á Borg er uppvaksin í B36 og spældi har til 2003, tá hann flutti til Danmarkar og eitt skifti spældi við Odense BK. Síðan spældi hann við HB frá 2004 til 2008 og so aftur við B36 frá 2008 til 2016.
Umframt fótbóltin er Jákup íverkseti og vinnulívsmaður. Hann stovnaði og var í fleiri ár stjóri í Bilrøkt og eigur og rekur Limo Service Faroe Islands
Altjóða mál fyri Føroyar
- Mál og úrslit, málini hjá Føroyum verða víst fyrst.
| # | Dagur | Vøllur | Mótstøðulið | Mál | Úrslit | Kapping |
|---|---|---|---|---|---|---|
| 1 | 27. apríl 2003 | Svangaskarð, Toftir, Faroe Islands |  Kasakstan | 1-0 | 3-2 | Vinardystur |
| 2 | 18. august 2004 | Svangaskarð, Toftir, Faroe Islands |  Malta | 1-0 | 3-2 | Vinardystur |
Keldur
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.