Geronimo

Goyaałé (á Chiricahua-málinum; merkingin er "tann, ið geispar"[1]), betur kendur sum Geronimo (føddur 16. juni 1829 í No-doyohn Canyon, nærindis Gila Cliff Dwellings í Nýmeksiko, deyður 17. februar 1909 í Fort Sill, Oklahoma[2]) var Chiricahua Apacheindiáni. Hann vaks upp hjá Bedonkohe ættflokkinum, ið livdi í økinum, har ain Gila River springur upp, í eystara parti av Nýmeksiko. Seinni gjørdist hann ein av oddamonnunum í Chiricahua ættarbólkinum.[3][4]

Goyaałé ella Geronimo.

Geronimo var ein av teimum seinastu upprunaamerikanarunum, ið stóð á odda í uppreistrinum ímóti niðursetufólkunum úr Evropa. Hann stílaði fyri álopum inn í útsynningslondini í USA. Seinni varð hann tikin og settur fast í Florida. At enda varð hann burturfluttur til Fort Sill, Oklahoma, har hann varð settur í varðhaldið. Hann doyði í Fort Sill sum tjóðarhetja í 1909.

Slóðir úteftir

Keldutilfar
  1. Geronimo - The Last Apache Holdout, legendsofamerica.com
  2. Remembering Geronimo on the 100th Anniversary of His Death, blogs.britannica.com
  3. The Legend of Geronimo and the Last Apache Holdout, wolvestuff.com
  4. The Apache Wars Part II: Geronimo, nps.gov
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.