Eritrea
Staturin Eritrea (alment heiti) er eitt lítið land í Eysturafrika. Eftir frælsiskríggj í 20 ár loysti fjallalandið Eritrea frá Etiopia í mai 1991. Eritreiski frælsisherurin (EPLF) rak seinastu etiopisku herdeildirnar av landinum og fór so at gera landinum eina stjórnarskipan.
| |||
| Tjóðarslagorð: Onki1 | |||
| Tjóðsangur: Ertra, Ertra, Ertra | |||
 | |||
| Alment mál | Tigrinya, arabiskt, enskt | ||
| Høvuðsstaður | Asmara | ||
| Forseti | Isaias Afewerki | ||
| ' | Onki | ||
| Fullveldi | 24. mai 1993 (frá Etiopia) | ||
| Vídd - tilsamans - vøtn (%) |
121,100 km² 0.14 % | ||
| Íbúgvar - tilsamans 2014 - tættleiki |
6 380 803 52.7/km² | ||
| Gjaldoyra | Nakfa (ERN) | ||
| Tíðarøki | UTC +3 | ||
| Økisnavn á alnetinum | .er | ||
| Telefonkota | +291 | ||
| 1Fleiri enn 10 mál verða talað, men høvuðssmálið er tigrinja. | |||
.svg.png.webp)
Fólkið í Eritrea roynir nú at fáa á føtur aftur búskapin og alt annað, sum varð oyðilagt í krígnum.
Søga
Loysing
Eritra hevði staðið undir Etiopia síðan 4. øld. Sum hjáland var tað limað inn í Etiopia í 1962. Næstan beinanvegin fóru Frælsisfylking Eritrea (stytt EPLF), og aðrar rørslur at berjast fyri frælsi. Í 1991 eydnaðist EPLF umsíðir eftir frælsisbardagar í næstan 30 ár at reka etiopiska herin úr landinum. Á fólkaatkvøðu í 1993 var eisini stórur meiriluti fyri loysing.
Bráðfeingisstjórn varð skipað, og í mai 1993 var Eritrea lýst at vera frælst ríki. Limir í EPLF, við Isaias Afewerki (føddur 2. februar 1946 í Asmara, Eritrea) á odda skipaðu tjóðarting, bóðu Vesturheimin um stuðul og hjálp og settu fólkaræði í gildi. Eritrea varð fyrsta land í Afrika at broyta landamørkini, sum evropeiska hjálandaveldið hevði sett.
.svg.png.webp)