Argir

Argir er ein býur í Føroyum sunnanfyri fyri høvuðsstaðin Tórshavn í Suðurstreymoy. Navnið kemur frá navnorðinum ærgi. Eitt ærgi er eitt summarbit til neyt í haga, har fólk eisini vórðu hildin til. Av tí sama hava málfrøðingar skotið upp at nýnevna býin Ærgir.

Argir
Arge (danskt)
Býur[1]
Tórshavn og Argir.
Land  Føroyar
Sýsla Streymoya sýsla
Oyggj Streymoy
Kommuna Tórshavnar kommuna
Íbúgvar 2.006 (2015)[2]
Postnummur FO-160
Markatal -

Argir hevur verið partur av Tórshavnar kommunu síðani 1997, tá Argja kommuna legði saman við Havnina.

Fólkatalið var 2,006 í 2015.

Í jarðarbókini frá 1584, ið skrivað er á donskum, verður bygdarnavnið stavað Arge. Elsta navnið, ið tingbøkurnar hava, er frá 1616, har verður navnið stavað: Argie. Schrøter, prestur, og N. Andersen, sorinskrivari, hava ikki dugað føroyskt mál, og tí hevði bygdin danskt navn. Seinni fekk bygdin navnið Argir.

Trúarlív

Í 1935 kom hitt fyrsta samkomuhúsið av sínum slagi í bygdini. Hetta var Hebron, sum fólk hiðani úr Brøðrasamkomuni lótu byggja. Henda samkoma hevur líka til henda dag havt kristiligar fundir, bíbliutímar og sunnudagsskúla, fyrst í gamla Hebron, so bygdu tey eitt nýtt í hús 1993.

Tá skúlin var bygdur í 1952, opnaðist eisini fyri kristiligum fundum í skúlastovuni.

Ítróttur

Fótbóltsliðið AB (Argja Bóltfelag) og róðrarfelagið Argja Róðrarfelag húsast á Argjum.

Myndasavn
  • Inni í Vika, fótbóltsvøllurin hjá Argja Bóltfelag.
  • Kort.
  • Fólkatalsfrøði.

Keldur
  1. http://www.kf.fo/Kommunurnar/B%C3%BDir%20og%20bygdir%20%C3%AD%20F%C3%B8royum.aspx
  2. Hagstova.fo


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.