Hesa

Se llama hesa[1] a un prau arbulau de propieá comunal (heneralmenti el municipiu) o privá, destinau al mantenimientu el ganau i nel que se puein arrecohel otrus produtus forestalis comu caça, cugumelus, leña, ec.

Imahin d´una hesa en Bollullos Par del Condado (Güerva)

Naturaleza

D´esta horma resurta un ecosistema derivau el bosqui mediterrániu, costituiu pol espéciis arbórias el héneru Quercus (encina, alcornoqui) u otras espéciis cumu hayas o pinus, i el estratu de yerba pa pacel.

Otru términu

Tamién se huchea hesa al tipu hestión de fincas privás destinás a la esplotación agru-ganaera sobri el bosqui mediterráneu el que se sacan múrtiplis reculsus a la vezi.

Hesa en Estremaura

Emportancia

El sistema ahesau tiini una gran emportáncia económica i social ena Península Ibérica, tantu pola su destensión supificial comu pola hunción d'assitiamentu de puebración rural enos sus núcleus, reduciendu la emigración i las sus consecuéncias (envehecimientu, incrementu tasas de mortaliá, redución de tasas d´ativiá, abaldonu d´esplotacionis, et).

Contestu económicu

La esplotación de la hesa sueli coinciíl con zonas que pudríamos llamal “marhinalis”, tantu pola su limitá vocación agrária (derivau de la pobreza los suelus), comu pola no dessisténcia d´un conhuntu endustrial, que se reduci a endustrias agroalimentarias aislás i de mu reducia capitalización.

Destensión ena Península Ibérica

Abada casi dos millonis d´etárias ena Península Ibérica, prencipalmenti nel suroesti: Salamanca, Estremaura i Güelva en España i el Alentejo i Algarve en Portugal.

Huentis
  1. Se prenúncia , cona s sonora (-s-). Huenti: Espinosa, A.M. (hijo): Arcaísmos dialectales. La conservación de «s» y «z» sonoras en Cáceres y Salamanca Revista de Filología Española, Anejo XIX. 1935.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.