Francisco Pizarro

Francisco Pizarro (16 marçu de 1478 [1]- 26 juñu de 1541) hue un melital estremeñu, que conquistó el Perú pa el Empériu Español.

Francisco Pizarro

Via

Tuvu nacéncia en Trugillu. Estuvu a runchal con el su pairi enas Guerras Italianas, baxu el mandu el Gran Capitán. En 1502 viajó palas Índias i s'asoció con Diego de Almagro i Hernando Luque conos que realiçó angunas espedicionis. En 1524 salió en cata del Empériu Inca, i landeó apoyus en España. Nestas negociacionis salió mal parau Almagro, eniciandu-si assina un runchaeru con él. En 1531 llegó a Perú, en guerra cevil entri Atahualpa i Huascar. Tras hazel prisioneru a Atahualpa, lo mató, acusandu-lu de matal a Huascar. Manco Inca hue nombrau nuevu inca i los españolis entrarun en Cusco, eniciandu la colonizacion los territorius. Las deferencias con Almagro acabarán finalmenti nuna guerra cevil, i Almagro sedrá ajusticiau finalmenti al atrás la su derrota ena Batalla las Salinas en 1538. Pizarro altoncis llevará a cabu una ativa política de colonizacion, pero hue assessinau por partidarius d'Almagro.

Referencias
  1. «Archive copy». Archivado desde el original el 29 de agosto de 2010. Consultado el 10 de septiembre de 2010.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.