Zikoina zuri

Zikoina zuria (Ciconia ciconia) inoiz amiamoko zuri ere deitua[1], Ciconiidae familiako hegaztia da, Europan, Asian eta Afrikako zenbait eskualdetan bizi dena[2]. Luma gehienak zuriak eta muturrean beltz kolorekoak ditu. Helduek hanka gorri luzeak dituzte, batez beste 100-115 cm neurtzen dute eta hego-luzera 155-215 cm-koa du.

Zikoina zuri
Iraute egoera

Arrisku txikia  (IUCN 3.1)
Sailkapen zientifikoa
ErreinuaAnimalia
FilumaChordata
KlaseaAves
OrdenaCiconiiformes
FamiliaCiconiidae
LeinuaCiconiini
GeneroaCiconia
Espeziea Ciconia ciconia
Linnaeus, 1758
Banaketa mapa
Datu orokorrak
Masa110 g (pisua jaiotzean)
Zabalera1,91 m

Migrazio luzeak[3] egiten dituen hegaztia da. Negua Sahara hegoaldeko Afrikako aldeetan eta Indian igarotzen du, eta udan Europan, Afrika iparraldean, Afrika hegoaldean eta Asiako hego-mendebaldean bizi da. Europa eta Afrika artean bidaiatzean, Itsaso Mediterraneoa zeharkatzea saihesten du, arinago hegan egiteko darabiltzan korronte termalik ez baitago itsasoan, eta Gibraltarko itsasartetik edo Levantetik igarotzen da.

Zikoina zuria haragijalea da: intsektuak, arrainak, anfibioak, narrastiak, ugaztun txikiak eta txoriak jaten ditu. Janari gehiena zoruan harrapatzen du, landaredi baxuko guneetan, eta ur gutxiko paduretan. Monogamoa da, baina bikotea ez du bizitza osorako hartzen. Bikote biek egurrezko habia handia osatzen dute eta hainbat urtez erabiltzen dute. Emeak urtero lau arrautza erruten ditu gehienetan. Arrautzak 33 egun inguru behar dituzte heltzeko, eta txitak bata bestearen ondoren jaiotzen dira. Bi gurasoek txandaka inkubatzen dituzte arrautzak eta elikatzen dituzte gazteak. Gazteek 58-64 egun igaro ondoren uzten dute habia, baina 7-20 egun gehiagotan jasotzen dute gurasoen janaria.

Taxonomia

Zikoina zuriak azpiespezie bi ditu:

Galeria
  • Udazkeneko migrazioaren mapa
    Udazkeneko migrazioaren mapa

Erreferentziak
  1. «Zikoina zuria» txoriak.eus (Noiz kontsultatua: 2023-01-12).
  2. Mullarney, Svensson, Zetterstrom eta Grant, Collins Bird Guide ISBN 0-00-219728-6
  3. Amaia Portugal: "Zikoinak gero eta nagiagoak dira, gizakion erruz" Zientziakaiera.eus

Kanpo estekak
Animalia Artikulu hau animaliei buruzko zirriborroa da. Wikipedia lagun dezakezu edukia osatuz.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.