Zarauzko dorrea

Zarauzko dorrea Gipuzkoako Urola Kosta eskualdeko Zarautz udalerrian dagoen dorretxe bat da. Santa Maria la Real parrokiaren hego-ekialdeko izkinari atxikia dago.

Artikulu hau Zarautz udalerrian dagoen dorreari buruzkoa da; beste esanahietarako, ikus «Zarautz dorretxea».
Zarauzko dorrea
 Eraikitako euskal ondasun nabarmena
Alde Zaharra (Zarautz)
Andre Maria Erregina parrokia
Zarauzko dorrearen ikuspegia eta eskuinean Santa Maria la Real parrokiaren horma.
Irudi gehiago
Kokapena
Herrialdea Euskal Herria
Probintzia Gipuzkoa
UdalerriaZarautz
Koordenatuak43°17′11″N 2°10′39″W
Map
Historia eta erabilera
Eraikuntza XIV. mendea
Arkitektura
Ondarea
EJren ondarea57

    Eraikinak

    Eraikin horrek lau solairu gotiko ditu, eta azkeneko pisua XVII. mendean gehitu zitzaion, kanpaiak jartzeko. Gaur egun, Parrokia da dorre horren jabea; baina, jatorrian, Udaletxea kokatzeko eraikuntza zibila izan zen. Lehenengo solairuan egon omen zen udal-ziega. Bigarrenean, ale-biltegia eta alondegia. Goiko solairuetan, administrazio lokalaren berezko gelak zeuden: bulego txiki bat eta udaleko kabildoa biltzeko gela[1].

    Eraikinaren beste funtzio bat izango litzateke udaleko erlojuaren euskarria izatea. Erlojuari makineria berria jarri zitzaion 1609 eta 1910 urteetan. Eraikinean bertan dagoen Zarauzko Arte eta Historia Museoan dago ikusgai erlojuaren azken makineria[1].

    XVII. mendean, jatorrizko estalkia altxatu eta gaur egungo kanpaien gela jarri zen.

    Duela gutxira arte, eraikuntzak zenbait etxebizitza izan zituen. Gaur egun, bertan daude Zarauzko Arte eta Historia Museoa eta Santa Maria la Real aztarnategi arkeologikoaren zati bat[1]. Historian zehar, zenbait leiho eta ate ireki dira hormetan. Geratzen diren jatorrizko bao bakarrak lehen solairuko sarrera, gezileihoak eta ojiba-leiho bikiak dira.

    Iruditegia
    • Eraikinaren ikuspegia Alde Zaharreko kale batetik.
      Eraikinaren ikuspegia Alde Zaharreko kale batetik.
    • Santa Maria la Real parrokiaren kanpoaldeko ikuspegi orokorra, ezkerraldean Zarauzko dorrea ikus daitekelarik.
      Santa Maria la Real parrokiaren kanpoaldeko ikuspegi orokorra, ezkerraldean Zarauzko dorrea ikus daitekelarik.

    Erreferentziak
    1. Zarauzko dorrea. Zarautz Historikoa. Gure Zarautz

    Ikus gainera

    Kanpo estekak
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.