Yulianna Avdeeva

Yulianna Avdéieva (Mosku, Errusia, 1985eko uztailaren 3a) errusiar piano-jotzailea da. Ospetsu egin zen Frédéric Chopin Nazioarteko XVI. Piano Lehiaketako lehen saria irabazi zuenean. Sari hori irabazi duen bigarren emakumea da, 1965ean Martha Argerich izan zen lehena.[1][2][3][4][5][6][7]

Yulianna Avdeeva
Yulianna Avdeeva Poloniako presidentearentzat jotzen, 2010.10.21 Irudi gehiago
Bizitza
JaiotzaMosku, 1985eko uztailaren 3a (38 urte)
Herrialdea Errusia
Hezkuntza
HeziketaGnessin Russian Academy of Music (en) Itzuli
Hizkuntzakerrusiera
Jarduerak
Jarduerakclassical pianist (en) Itzuli eta musikagilea
Genero artistikoamusika klasikoa
Musika instrumentuapianoa
Facebook: YuliannaAvdeeva Musicbrainz: 27f2a3ad-ec20-4907-adba-666059f0ea90 Discogs: 5500835 Allmusic: mn0002706849 Edit the value on Wikidata
Bronisław Komorowski eta Yulianna Avdeeva Nazioarteko Chopin Piano Lehiaketan, 2010.10.21

Biografia

Yulianna Avdéieva 5 urterekin hasi zen ikasten Moskuko Gnessin Special Music Collegen, eta lanean jarraitu zuen Elena P. Ivanova lehen irakaslearekin 2003ra arte. Graduatu ondoren, Konstantin Scherbakov irakaslearen irakaskuntzapean Zuercher Hochschule der Kuensten ikastea erabaki zuen, eta, aldi berean, Moskun ikasten jarraitu zuen, Estatuko Gnessin Musika Eskolan, Vladimir Tropp irakaslearekin.

Ibilbidea

2006tik 2009ra, Konstantin Scherbakov-en laguntzaile gisa aritu zen lanean. 2008an, Yulianna Avdéieva Lake Como Nazioarteko Piano Akademian hasi zen ikasten.

Halaber, kontzertuak eman ditu Moskuko areto entzutetsuetan eta Errusiako beste hiri askotan, baita hogei bat herrialdetan ere, hala nola Austria, Erresuma Batua, Ameriketako Estatu Batuak, Frantzia, Alemania, Israel, Belgika, Japonia, Grezia eta Italian, baita Vienako Bösendorfer-Saal eta Londresko Barbican Centre aretoetan ere.

Argitalpenak

Yulianna Avdéievaren interpretazioak CDan grabatu dira, eta, sarritan, errusiar irrati eta telebistak ematen ditu.

Diskografia
  • Chopin Piano Concerto E minor, Sonata in B flat minor, Mazurkas (The Fryderyk Chopin Institute, 2010), Antoni Wit eta Varsoviako Orkestra Filarmoniko Nazionalarekin.
  • Chopin. Piano Concertos 1&2 (The Fryderyk Chopin Institute, 2013), Frans Brüggen eta Orchestra of the Eighteenth Centuryrekin
  • Schubert. Prokofiev. Chopin (Mirare, 2014)
  • Chopin. Mozart .Liszt (Mirare, 2016)
  • Johann Sebastian Bach (Mirare, 2017)
  • Mieczyslaw Weinberg (Deutsche Grammophon, 2019) Gidon Kremer eta Giedre Dirvanauskaiterekin

Sariak
  • 2003an - Bremen Piano Leihaketa (Bremen) - 2.Saria.
  • 2005ean - Kurt Leimer Piano Competition (Zurich) - 3. saria.
  • 2006an - 61. Geneva International Music Competition (Geneva) - 2.Saria.
  • 2007an - 7. Ignacy Jan Paderewski Nazioarteko Piano Lehiaketa (Bydgoszcz) - 2.Saria.
  • 2010ean - 16. Frédéric Chopin Nazioarteko Piano Lehiaketa (Varsovia) - 1. saria eta Krystian Zimerman sari berezia, sonata baten interpretazio onenari.

Erreferentziak
  1. (Ingelesez) Yulianna Avdeeva – Official website. (Noiz kontsultatua: 2023-08-10).
  2. (Ingelesez) sitorusrina. (2018-05-01). «An interview with: Yulianna Avdeeva» think storytelling (Noiz kontsultatua: 2023-08-10).
  3. «Yulianna Avdeeva» www.pittsburghsymphony.org (Noiz kontsultatua: 2023-08-10).
  4. «Yulianna Avdeeva | The Vancouver Chopin Society» chopinsociety.org (Noiz kontsultatua: 2023-08-10).
  5. (Ingelesez) «Meet Yulianna Avdeeva, Chopinist Extraordinaire» Chopin Foundation of the United States 2019-12-03 (Noiz kontsultatua: 2023-08-10).
  6. (Ingelesez) Dammann, Guy. (2010-11-08). «Yulianna Avdeeva – review» The Guardian ISSN 0261-3077. (Noiz kontsultatua: 2023-08-10).
  7. (Gaztelaniaz) Círculo de Cámara. Yulianna Avdeeva. 20 de Noviembre - Círculo de Bellas Artes. 2022-06-13 (Noiz kontsultatua: 2023-08-10).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.