Yokohama Chinatown

Yokohama Chinatown (japonieraz: 横浜中華街 yokohama chūkagai) Yokohaman dagoen txinatarren auzoa da. Japoniako eta Asiako Chinatown handiena da.

Yokohama Chinatowneko ekialdeko atea.

Geografia

Yokohamaren erdigunean kokaturik dago, Naka-ku auzoan, eta Minato Mirai 21 barruti futuristatik oso gertu. 250 txinatar denda eta jatetxe inguru ditu, gehienak 300m²-tako eremu txikian. 3.000 eta 4.000 biztanle artean dauka baina dagoeneko gutxi dira txinatarrak.

Historia

1859an Yokohamako kaia atzerritarrei ireki zitzaienean txinatarrek Japonian hainbat asentamendu ezarri zituzten, garrantzitsuena Yokohaman bertan. Bizitzeko eremu mugatuak ezarri zizkieten eta horrela beren herriak (Chinatown) sortu zituzten. Yokohaman ezarri ziren gehienak Guangzhou (Kanton) hiritik zetozen.

1923ko lurrikara handiak etxe asko suntsitu zituen eta txinatar askok etxera itzultzea erabaki zuten. 1937an Japoniak Txina inbaditu eta herrialde bien arteko gerra sortu zen. Honen ondorioz Chinatownek handitzeari utzi zion 1955ean ate berria eraiki eta berriz ere hazten hasi zen arte.

Iruditegia


Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.