Yasushi Inoue

Yasushi Inoue (Asahikawa, Hokkaido, Japonia, 1907ko maiatzaren 6a - Tokio, Japonia, 1991ko urtarrilaren 29a) japonierazko eleberrigilea izan zen. Fikzio historikoa landu zuen bereziki. Zentzu horretan nabarmentzekoa da Tempo no iraka nobela (1957, Tempoko teilatuko teila), zeinean zorroztasunez deskribatu baitzuen Tang dinastiaren kulturako tresnak atzera Japoniara ekartzeko VIII. mendean Txinara joan ziren monjeen drama.

Yasushi Inoue
Irudi gehiago
Bizitza
Jaiotza	Hokkaido, 1907ko maiatzaren 6a
Herrialdea	Japonia
Lehen hizkuntza	japoniera
Heriotza	Tokio, 1991ko urtarrilaren 29a (83 urte)
Familia
Ezkontidea(k)	Fumi Inoue (en)  (1935 -
Seme-alabak	ikusi Shūichi Inoue (en)
Hezkuntza
Heziketa	Kyotoko Unibertsitatea Kyushu University (en)
Hizkuntzak	japoniera
Jarduerak
Jarduerak	idazlea, eleberrigilea, poeta eta gidoilaria
Jasotako sariak	ikusi Order of Culture  (1976) Akutagawa Prize  (1949) : The Bullfight (en) Kikuchi Kan Prize  (1980) Japanese Literature Grand Prix  (1969) Person of Cultural Merit  (1976) Asahi Prize  (1984) honorary doctor of the Peking University  (1986) Japan Art Academy Prize

Mundu modernoko bakardadea da Inoueren lehen nobelaren gaia, Ryoju (1949, Ehiza eskopeta); oso harrera ona izan zuen. Horren ondoren Togyu (1949, Zezenketa) kaleratu zuen. Bigarren nobela horrekin bere fama handia lortu eta Akutagawa saria irabazi zuen. Tun-Huang (1959) nobelan XI. mendeko Txina islatu zuen eta Tun-Huang leize-zuloetan ezkutatutako altxorrak berpiztu zituen. Beste liburu arrakastatsu batzuk: Hyoheki (1956, Izotzezko horma), Futo (1963, Haizea eta uhinak), Saiiki monogatari (1969, Samarkandaz haraindiko bidaia). Kontakizun laburrak Auri gisakka no shogai (1951, Faltsutzailea) eta Lou-Lan (1959). Inouek Japoniako literatura sari garrantzitsu guztiak irabazi zituen, eta 1976an Kulturaren Ordena jaso zuen.