Yambo Ouologuem

Yambo Ouologuem (Bandiagara, 1940ko abuztuaren 22a - Sévaré, 2017ko urriaren 14a) maliar idazlea izan zen.

Yambo Ouologuem
Bizitza
Jaiotza	Bandiagara (en) , 1940ko abuztuaren 22a
Herrialdea	Mali
Heriotza	Sévaré, 2017ko urriaren 14a (77 urte)
Hezkuntza
Heziketa	Henrike IV.a lizeoa École normale supérieure
Hizkuntzak	frantsesa
Jarduerak
Jarduerak	idazlea, eleberrigilea eta irakaslea
Jasotako sariak	ikusi Renaudot saria
Izengoitia(k)	Utto Rodolph
Genero artistikoa	eleberri historikoa

Dogon eskualdeko Maliko familia aristokrata batean jaio zen. Ingelesa, frantsesa eta espainieraz gain, Afrikako hainbat hizkuntza ikasi zituen. 1960an Parisera joan zen soziologia, filosofia eta ingelesa ikastera Henri IV.a lizeoan eta Clarendongo lizeoan irakatsi zuen filosofiako doktoretza prestatzen ari zela. 1970eko hamarkadan Malira itzuli zen eta Sévaré-ko gazte-zentro bat zuzendu zuen. Bere bizitzako azken etapa marabut izan zen eta islamiar bizitza isolatua eraman zuen.

Le devoir de violence eleberriaren arrakasta handiaren ondoren, polemika handia izan zen, Graham Greeneren It's a Battlefield eleberria plagiatu izana leporatu baitzioten. Liburua debekatuta egon zen Frantzian hainbat urtez.