Yama-dera
Yama-dera (japonieraz: 山寺) Japoniako iparraldeko Tohoku eskualdeko Yamagata hiriaren ondoan dagoen tenplu budista bat da.
| Yama-dera | |
|---|---|
| 立石寺 山寺 | |
| Shiji Kairō | |
| |
| Kokapena | |
| Estatu burujabe |  Japonia |
| Japoniako prefekturak |  Yamagata |
| Core city of Japan | Yamagata |
| Ur-masa | Q11598236  |
| Koordenatuak | 38°18′45″N 140°26′15″E |
 | |
| Historia eta erabilera | |
| Irekiera | 860 |
| Erlijioa | Tendai (en) |
| Izena | Bhaiṣajyaguru Buddha (en) |
| Ondarea | |
| Webgune ofiziala | |
Geografia
Izenak "mendiko tenplua" esan nahi du, izan ere Yamagatatik ipar-ekialdea trenez 20 minutuko bidaia egin ondoren aurkitzen den Hōshū-yama muinoan baitago.
Historia
860 urtean Ennin monje budistak Risshaku-ji (立石寺) tenplua sortu zuen Txinatik bueltan etorri zenean. 1356an eraikin nagusia den Konpon-chūdō eraiki zuen Shiba Kaneyori daymioak, Yamagatako gazteluko jauntxoak.
XVI mendean inguruko leinuen artean izan ziren borroketan tenplua suntsitua izan zen eta 1543an Enkai monjeak berreraiki egin zuen. Edo Aroan tenplu garrantzitsua izan zen.
1689an Matsuo Bashō poetak Yama-dera tenpluari buruzko haiku famatua egin zuen:
Ah, isiltasun hau
harkaitzen hondora
txitarraren ahotsa
Egitura
Konpon-chūdō eraikin nagusia benetan bitxia da, Japonian ez baita ohikoa pago egurrez eraikitzea, eta mendiko haitz baten gainean jasotzea ere berezia da. Mila maila dituen eskilara batek eramaten du tenplura eta bertatik dagoen ikuspegia itzela da. Yakushi Nyorai-ren egurrezko irudia dago barnean.
Yamaderako Bashoren Omenezko museoa 1989an ireki zen haranaren beste aldean eta Matsuo Bashō haiku poetaren bizitza ezagutaraztea du helburu.
1996an Ingurumen ministerioak Yamaderako txitxarrak Japoniako 100 soinu paisaien zerrendan sartu zuen.
Iruditegia
Sarrerako atea.
Eraikin nagusia.
Okunoin eraikina.
Tenplurako eskailera.
Ikuspegia udazkenean.
Ikuspegia neguan.
Kanpo estekak
- (Japonieraz) Yama-dera tenpluaren webgune ofiziala
