Wilma Mankiller

Wilma Pearl Mankiller (Tahlequah, Oklahoma, 1945eko azaroaren 18a - Adair County, Oklahoma, 2010eko apirilaren 6a) amerindiar ekintzailea izan zen. Aita txerokia zuen, eta ama kaukasiarra. Hamaika urte zituela, San Franciscora aldatu zen familia. 1969an, indiarrek protesta gisa Alcatraz uhartean egindako okupazioan parte hartu zuen, eta 70eko hamarraldiaren erdialdera hasi zen txerokien nazioaren alde borrokan. 80ko eta 90eko hamarkadetan egin zen ospetsu, txerokien mugimendu abertzalearen buruzagi gisa. 1985ean, txerokien nazioko lehenengo emakumezko leinuburua izatera iritsi zen (txerokiena zen talde handiena, navajoen atzetik). Txerokien nazioaren alde borrokatzen hasi zenean, 10.000 txerokitik behera zituen nazioak; 1994rako, aldiz, baziren 156.000 lagun. Leinuburu izan zen garaian (1985-1995), indiarren burujabetasunaren aldeko hitzaldiak egin zituen, eta elkarrizketak izan zituen Reagan, Bush eta Clinton presidenteekin, txerokien aldarrikapenak helarazteko. Langabeziaren kontra eta haur txerokien hezkuntza-eskubideen alde borrokatu zen, batez ere.

Wilma Mankiller
(2001) Irudi gehiago
Principal Chief of the Cherokee Nation (en) 1985 - 1995 ← Ross Swimmer (en) - Joe Byrd (en) →
Bizitza
Jaiotza	Tahlequah (Oklahoma), 1945eko azaroaren 18a
Herrialdea	Ameriketako Estatu Batuak
Talde etnikoa	Txerokia
Heriotza	Adair konderria (Oklahoma), 2010eko apirilaren 6a (64 urte)
Hobiratze lekua	Stilwell (Oklahoma)
Heriotza modua	berezko heriotza: pankreako minbizia
Hezkuntza
Heziketa	Skyline College (en) San Francisco State University (en)
Hizkuntzak	ingelesa Txerokiera
Jarduerak
Jarduerak	idazlea, tribu-buruzagia eta autobiografialaria
Jasotako sariak	ikusi Emakumeen Arrakastaren Saloi Nazionala  (1993) National Cowgirl Museum and Hall of Fame Oklahoma Women's Hall of Fame  (1986) Askatasunaren Domina Presidentziala  (1998) Humanitarian of the Year  (1986ko iraila) Elizabeth Blackwell Award  (1996)
Sinesmenak eta ideologia
Alderdi politikoa	Ameriketako Estatu Batuetako Alderdi Demokrata