William Morris

William Morris (Walthamstow, Essex, 1834ko martxoaren 24a - Hammersmith, Londres, 1896ko urriaren 3a) margolari, idazle, marrazkilari eta sozialista libertario ingelesa izan zen.[1] Arts and Crafts mugimenduaren sortzailea izan zen.

William Morris
Irudi gehiago
Bizitza
Jaiotza	Walthamstow (en) eta Londres, 1834ko martxoaren 24a
Herrialdea	Britainia Handia eta Irlandako Erresuma Batua  Erresuma Batua
Lehen hizkuntza	ingelesa
Heriotza	Londres, 1896ko urriaren 3a (62 urte)
Hobiratze lekua	St. George's Churchyard (en)
Familia
Ezkontidea(k)	Jane Morris  (1859ko apirilaren 26a -  1890)
Hezkuntza
Heziketa	Marlborough College (en) Exeter College (en) (1853ko urtarrila -
Hizkuntzak	esperantoa ingelesa
Jarduerak
Jarduerak	arkitektoa, poeta, diseinatzailea, diseinatzaile grafikoa, margolaria, zientzia-fikzio idazlea, politikaria eta ilustratzailea
Lantokia(k)	Oxford
Lan nabarmenak	ikusi Red House A Dream of John Ball (en)
Mugimendua	Arts and Craftsa sinbolismoa
Genero artistikoa	decorative art (en)
Zerbitzu militarra
Adar militarra	Britainia Handiko Armada
Sinesmenak eta ideologia
Alderdi politikoa	Social Democratic Federation (en) Socialist League (en)
williammorrissociety.org

Prerrafaelismoaren baitan sailkatzen da, baina eragin handia izan zuen Art nouveau edo modernismoan, arkitekturaren eta teoria sozialisten harremanari buruzko idatzien bidez batez ere. Prerrafaelisten taldeko gainerako margolariek baino kezka handiagoa erakutsi zuen gizarte gaiekiko.

Urte batzuetan margolari gisa lan egin ondoren, elezaharretan oinarrituriko olerkiak idatzi zituen. Baina politika eta gizartea eraberritu beharra zegoela sinetsita, eta sozialismo utopikoaren bidetik, Erdi Aroko esku langintza berreskuratzea ikusi zuen lan molde kapitalistak gainditzeko bide bakar gisa. Horrela, 1861ean, Morris, Dante Gabriel Rossetti, Edward Burne-Jones, Ford Madox Brown eta Philip Webbek Morris, Marshall, Faulkner & Co. esku langintzako lantegia sortu zuten. 1875ean konpainiak Morris and Co. izena hartu zuen, jabe bakarra Morris zelako. Lantegi horretan beirateak, mosaikoak, tapizak eta oihalak egin ziren, eta Ingalaterrako dekorazioa eraberritu zuen.