William Isaac Thomas

William Isaac Thomas
	; Irudi gehiago
President of the American Sociological Association (en)	; 1927 - 1927
President of the American Sociological Association (en)
Bizitza
Jaiotzako izen-deiturak	William Isaac Thomas
Jaiotza	Russell konderria (Virginia), 1863ko abuztuaren 13a
Herrialdea	Ameriketako Estatu Batuak
Heriotza	Berkeley (Kalifornia), 1947ko abenduaren 5a (84 urte)
Familia
Ezkontidea(k)	Dorothy Swaine Thomas (en) (1939 -
Hezkuntza
Heziketa	Tennesseeko Unibertsitatea ; Berlingo Humboldt Unibertsitatea
Hezkuntza-maila	Artean graduatua; Doktoretza
Tesi zuzendaria	Albion Woodbury Small (en)
Hizkuntzak	ingelesa
Irakaslea(k)	Wilhelm Wundt
Jarduerak
Jarduerak	soziologoa, idazlea eta psikologoa
Enplegatzailea(k)	Chicagoko Unibertsitatea ; New School (en) ; Oberlin College (en) ; Harvard Unibertsitatea
Lan nabarmenak	ikusi Thomasen teorema;
Influentziak	Gabriel Tarde
Kidetza	Arteen eta Zientzien Ameriketako Estatu Batuetako Akademia

William Isaac Thomas (Russell County, Virginia, 1863ko abuztuaren 13a - Berkeley, Kalifornia, 1947ko abenduaren 5a) soziologo estatubatuarra izan zen. Ezaguna da batez ere bere izena daraman teoremagatik, Thomasen Teorema, jakintzaren soziologian funtsezkoa izan dena.

Ibilbide intelektuala

Albin Small Chicagoko Unibertsitateko soziologiako departamenduko lehen zuzendaria izan bazen, Thomas izan zen, bere ikerketei esker, Chicagoko Eskola bezala usuki ezagutzen denari hasiera eman zion soziologoa. Florian Znanieckirekin batera poloniar immigrazioari buruzko ikerketa baten egile, are ezagunago egin zen bere izena daraman teorema formulatzeagatik. John Dewey, William James eta George Herbert Mead-en eskola pragmatistak bultzaturik, Thomasek berariazko garrantzia ematen hasi zitzaion gizabanakoen subjektibitateari. Gizarte erreforman engaiatutako soziologoa izanik, krimena eta sexualitatearen inguruko bere ikusmoldeak ikonoklastatzat hartu ziren. Bere karrera akademikoa gertaera batek mugarritu zuen: FBIk atxilotu zuen "emakumeen estatuen arteko garraioa zio antimoralekin" egiteagatik. Horrek Chicago utzi beharra ekarri zion. Bere ibilbide akademikoa New Yorken amaitu zuen.

Elkarrekintza sinbolikoaren sortzailea kontsideratzen da, George Herbert Meadekin batera.

Poloniar baserritarra

1918ko "Baserritar poloniarra Europan eta Ameriketan" liburuaren azala

Poloniar baserritarrei buruzko interesa zuen eta haiei buruzko ikerketan laguntzeko, Florian Znaniecki filosofo poloniar gaztea hartu zuen. Znanieckik Chicagon topatu zuen Thomas 1914an. Nabarmentzeko lana egin zuten elkarrekin eta bai Estatu Batuetara iristen ari zen poloniarren immigrazioan bai Polonian bertan geratzen ziren nekazariengan oinarritu ziren. Franz Boas antropologoaren antzera, Thomasek errefusatu egiten zituen arrakasta soziala esplikatu nahi zituzten azalpen biologistak. Izatez, arrakasta soziala, baloreei eta jarrerei daude loturik. Baloreak bizitza sozialaren elementu kultural objektiboak dira, eta jarrerak, aldiz, gizabanakoen ezaugarri subjektiboak dira.

Immigrazio poloniarrari buruzko ikerketan, Thomasek eta Znanieckik ikusi zuten bazirela hiru jarrera mota orokor bizi-baldintza berrien aurrean. Lehenik, filistearra tradizio sozialaren menpean jartzen den konformista da. Bigarrenik, bohemiarrak izaera ezegonkorra du. Hirugarrenik, sortzailea zuhurra eta aldaketari irekita dago. Thomasentzat eta Znanieckirentzat, asimilazioa desiragarria da, eta haren kontrakoa, disimilitudea edo desberdintzea litzateke.

Thomasen Teorema (1928)

Sakontzeko, irakurri: «Thomasen teorema»

Thomasen teorema soziologiaren oinarrizko printzipioetako bat da. Teorema ondoko hau da:

«	Pertsonek egoerak errealak balira bezala definitzen badituzte, egoera horiek errealak dira beren ondorioetan	»

Argitalpenak

The Polish Peasant in Europe and America. Volume 1 & 2: Primary-group organization (Florian Znaniecki-rekin batera) - 1918
The Polish Peasant in Europe and America. Volume 3: Life record of an immigrant (Florian Znaniecki-rekin batera) - 1919
The Polish Peasant in Europe and America. Volume 4: Disorganization and reorganization in Poland (Florian Znaniecki-rekin batera)- 1920
The Polish Peasant in Europe and America. Volume 5: Organization and disorganization in America (Florian Znaniecki-rekin batera) - 1920
The unadjusted girl; with cases and standpoint for behavior analysis - 1923
The Child in America - 1928
Primitive behavior, an introduction to the social sciences - 1937

Datuak: Q1323100
Multimedia: William Isaac Thomas / Q1323100

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.