Wilfried Martens

Wilfried Martens
	; Irudi gehiago
; Europarlamentaria
; 44. Belgikako Lehen Ministroa
; Belgikako Lehen Ministroa
member of the Flemish Parliament (en)
Bizitza
Jaiotzako izen-deiturak	Wilfried Achiel Emma Martens
Jaiotza	Sleidinge (en) , 1936ko apirilaren 19a
Herrialdea	Belgika
Lehen hizkuntza	nederlandera
Heriotza	Lokeren, 2013ko urriaren 9a (77 urte)
Hobiratze lekua	Campo Santo (en)
Heriotza modua	eutanasia
Familia
Ezkontidea(k)	Miet Smet
Hezkuntza
Heziketa	Harvard Unibertsitatea ; Lovainako Unibertsitate Katolikoa
Hizkuntzak	nederlandera
Jarduerak
Jarduerak	politikaria eta abokatua
Lantokia(k)	Estrasburgo eta Brusela
Jasotako sariak	ikusi Knight Grand Cross of the Order of Leopold II (Belgium) ; Knight Grand Cross of the Order of the Falcon ; Robert Schuman Domina (1995) ; Elisabet Katolikoaren Ordenaren Gurutze Handia (1980) ; Grand Order of Queen Jelena ; Knight Grand Cross of the Order of Merit of the Italian Republic ; Grand Cross of the Order of Prince Henry ; Grand Cross 1st class of the Order of Merit of the Federal Republic of Germany ; Ohorezko Legioko ofizial handia ;
Sinesmenak eta ideologia
Erlijioa	Erromatar Eliza Katolikoa
Alderdi politikoa	Christian Democratic and Flemish (en)

Wilfried Achiel Emma Martens (Sleidinge, Flandria, 1936ko apirilaren 19a - Lokeren, Flandria, 2013ko urriaren 9a) belgikar politikaria izan zen.

Biografia

Ikasle-erakunde katolikoetako militante izan zen zuzenbideko ikasle zen garaian, baina ondoren politikan nabarmentzen hasi zen, 1965. urtean Flandriako Herri Alderdi Kristauan sartu zelarik. Kontseilari-kargua bete zuen Harmel eta Vanden Boeynants Lehen Ministroen agintaldietan (1965-1966), eta geroago Léo Tindemansekin (1968) ministro izan zen.

1972an bere alderdiaren lehendakaritzarako hautagai aurkeztu zen, eta hala izendatu zuten. Ganteko diputatu hautatu zuten handik bi urtera, eta Lehen Ministro izatera iritsi zen 1979. urtean.

Lehen Ministro gisa agintean egondako urteetan (1979-1992) Belgika federal bat sustatu zuen, eta ildo horretatik konstituzioa eraberritzeko proposamenak egin zituen 1981 eta 1989an, eskualdeei (hizkuntza komunitateei) eskumen zabalak emanez. 1981ean hilabete batzuetan bere kargua utzi beharrean izan zen garaian izan ezik, 1992. urtea arte izan zen Lehen Ministro. Urte hartan Jean-Luc Dehaenek hartu zuen Martensen kargua, Martenesek dimisioa eman ondoren.

Behin baino gehiagotan saiatu zen dimititzen, flandriarren eta frantses hiztunen artean hizkuntzaren ofizialtasuna zela-eta zeuden tirabiren eraginez. Europaren eraikuntzaren alde lan handia egin zuen, eta lan horri esker Europako Alderdi Popularraren lehendakari izendatu zuten 1990ean eta 1996an.

1994an eurodiputatu aukeratu zuten. 2000-2001 urteetan bere alderdiaren lehendakaria izan zen. 2008. urtean, Yves Letermeren dimisioaren ondoren eta Alberto II.ak eskatuta, Martens berriz agertu zen belgikar politikan Lehen Ministro berri bat bilatzen laguntzeko.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q313809
Multimedia: Wilfried Martens / Q313809

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.