Vormsi
Vormsi, tamainaz, Estoniako laugarren uhartea da. Hiiumaa eta Noarootsiko penintsularen artean dago, azken hau kontinentean, honengandik, Voosiko itsasartearen bidez 3 kilometro bananduta dagoelarik. Bere hedadura, 92 kilometro karratukoa da, eta Lääne konderriko udalerrietako bat da.
| Vormsi | |
|---|---|
 | |
| Datu orokorrak | |
| Garaiera | 12 m |
| Mota | uharte |
| Luzera | 16,2 km |
| Zabalera | 10,7 km |
| Azalera | 91 km² |
| Geografia | |
 | |
| Koordenatuak | 59°00′N 23°15′E |
| UTC ordua | UTC+02:00 |
| Honen parte da | Moonsund Uhartedia |
| Herrialdea |  Estonia |
| County |  Lääne County |
| Rural municipality | Vormsi Rural Municipality |
| Ur-gorputza | Itsaso Baltikoa |
Udan, Svibyko portua, transbordadore edo ferry baten bidez komunikatua dago. Honek, egunean bi aldiz egiten du, uhartea, kontinentean dagoen Haapsalu herritik banatzen duten 12 kilometroak.
Historia
Jada XIII. mendean, populatua zegoen. Denborarik gehienean, suediar estoniarrek okupatua egon zen (estonieraz: rannarootslasel) "Kostaldeko suediar" bezala itzul daitekeena. Uhartea, 3.000 biztanle izatera iritsi zen Bigarren Mundu Gerra baino lehen. Gerra gertatu zen bitartean, Vormsiko ia biztanleria guztia ebakuatu zen, baita Estonian bizi ziren beste suediar batzuk ere, Suediarantz. Gaur egun, uhartean, 350 biztanle inguru bizi dira.
Vormsi izena, suedierazko Ormsören edo alemanezko Wormsen (suge uhartea) eratorri bat da. Suediar eragina, beste toki izen batzuetan ere ikus daiteke: Hullo (gune administratiboa), Sviby (portu nagusia), Söderby, Norrby, Diby, Rälby, Borrby, Kärrslätt, Saxby, Busby, Suuremõisa (Magnushof) eta Rumpo bezalako herrixkak, eta Prästvik bezalako lakuak.
