Villamayor de Monjardín

Villamayor de Monjardín; Deio / Deiu
	Nafarroa Garaia, Euskal Herria
; Bandera	; Armarria
Kokapena
Herrialdea	Euskal Herria
Lurraldea	Nafarroa Garaia
Merindadea	Lizarra
Administrazioa
Estatua	Espainia
Erkidegoa	Nafarroa
Izen ofiziala	Villamayor de Monjardín
Alkatea	Eugenio Barbarin Lukin; (CM, indep.)
Posta kodea	31242
INE kodea	31255
Herritarra	villamayortar
Geografia
Koordenatuak	42°37′59″N 2°06′00″W
Azalera	13,1 km²
Garaiera	605 metro
Distantzia	53 km (Iruñetik)
Demografia
Biztanleria	117 (2023: 3)
Dentsitatea	8,75 biztanle/km²
Zahartzea[1]	% 17,3
Ugalkortasuna[1]	‰ 0
Ekonomia
Jarduera[1]	% 0 (2011)
Desberdintasuna[1]	% 0 (2011)
Langabezia[1]	% 4,68 (2013)
Euskara
Euskaldunak[1][2]	% 13,30 (2018: %9,01)
Datu gehigarriak
Webgunea	http://www.villamayordemonjardin.es/

Villamayor de Monjardín[3] ([biʎamaioɾ de monxaɾðin] gaztelaniaz eta ofizialki; Deiu [de.iu] edo Deio [de.io] euskaraz baina ez ofizialki) Nafarroako udalerria da. Lizarrako merindadeko herri honek 130 biztanle zituen 2014. urteko erroldaren arabera. Nafarroako hiriburutik 53 kilometrora dago.

Izena

1512an Fernando II.ak agindutako Nafarroaren inbasioan, Joanes Ramirez de Bakedanok urrian mendi horretara ihes egin zuela aipatzen du Pedro Esartek (Navarra, 1512-1530). Une horretan, mendia "Mengaurduy" izenaz aipatzen da.

Geografia

Inguru naturala eta kokapena

Herriaren ikuspegia Azketatik.

Herria, Nafarroa erdialde-mendebaldean kokatzen da, Lizarrako merindadearen mendebaldean. Herrira heltzeko N-111 errepidea hartu behar da Lizarra-Vianako norabidean. Ondoren, bederatzi kilometrora Villamayor de Monjardinera doan errepidea hartu behar da, eta hau jarraitu kilometro batean zehar.

Villamayor de Monjardinek Abaigar eta Iguzkitzarekin egiten du muga iparraldean, Lukinekin ekialdean, Olexoa eta Etaiorekin mendebaldean, eta Los Arcos eta Barbarinekin hegoaldean.

Demografia

Villamayor de Monjardingo biztanleria

Datu-iturria: www.ine.es

2008ko erroldaren arabera, Espainiaz kanpoko zazpi etorkin bizi ziren herrian, biztanleriaren %5,04a (Nafarroako batez-bestekoaren azpitik).

Politika

Udal hauteskundeak

Azken agintaldietan Villamayor de Monjardingo alkate kargurako Candidatura Monjardín (CM) taldeko Eugenio Fernando Barbarin Lukin aukeratu dute. 2007ko udal hauteskundeetan CMk udaleko lau ordezkariak lortu zituen. Baliogabeko botoak hogei izan ziren (emandako boto guztien %22,47) eta boto zuriak hemeretzi izan ziren (%27,54). Abstentzioa %17,59ekoa izan zen.

**Villamayor de Monjardingo Udala (2007)**
Alderdia	Botoak	Aukeratua?
Fermin Javier Soto Portillo (CM)	45	Bai
Cristina Urrotz Latienda (CM)	43	Bai
Eugenio Fernando Barbarin Lukin (CM)	41	Bai
Jose Manuel Goñi Aiukar (CM)	40	Bai

2011ko udal hauteskundeetan ere CM izan zen zerrenda bakarra; Eugenio Barbarinek alkate segitu zuen[4].

Udaletxea

1985era arte herriak ez zuen udaletxe moduan erabiltzeko moduko eraikinik izan. Urte hartan, frontoiaren ondoko plazan dagoen eraikin bat birmoldatu zen (antzina eskola moduan erabilitako eraikina alegia). Lanak egiteko, udalak Nafarroako Gobernuak emandako 4,6 milioi pezetako diru-laguntza izan zuen. Udala alkatea eta lau zinegotzik osatzen dute eta bertako idazkaria Barbarin, Iguzkitza eta Lukingo idazkari ere bada.

HELBIDEA: Andre Mariaren kalea, 7

Alkateak

2007-2011	Eugenio Barbarin Lukin	CM
2011-2015	Eugenio Barbarin Lukin	CM

Azpiegitura eta garraioak

Udal autobusak

Lizarrerria Buseko linea hauekin ditu loturak:

Lizarrerria Bus
Abartzuza — Ospitalea	2	Aiegi — Deiu / Arroitz

Zerbitzuak

Villamayor de Monjardín "Allo, Arellano, Arronitz, Deikaztelu eta Leringo Oinarrizko Zerbitzu Sozialen Mankomunitateko" kidea da.

Ondasun nabarmenak

Eliza eta plaza nagusiaren ikuspegia.

San Andres eliza, eraikin erromaniko berantiarra.
Deioko Doneztebe baseliza.
Deioko gaztelua

Erreferentziak

Euskal Herriari Begira. Udalbiltza.
Nafarroako Gobernua. (2018). Nafarroako Datu Soziolinguistikoak. Euskarabidea, 50-55 or..
Euskaltzaindia. 155. araua: Nafarroako udal izendegia. .
Herria Nafarroako Udal eta Kontzejuen Federazioaren webgunean.

Ikus, gainera

Nafarroako udalerrien zerrenda

Kanpo estekak

Datuak: Q597234
Multimedia: Villamayor de Monjardín / Q597234
Liburuak: Euskal Herriko bidaia-gida/Herriz herri/Villamayor de Monjardín

Euskarazko Wikipedian bada atari bat, gai hau duena:
Euskal Wikiatlasa

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[Udalbiltza-1] Euskal Herriari Begira. Udalbiltza.

[2] Nafarroako Gobernua. (2018). Nafarroako Datu Soziolinguistikoak. Euskarabidea, 50-55 or..

[3] Euskaltzaindia. 155. araua: Nafarroako udal izendegia. .

[4] Herria Nafarroako Udal eta Kontzejuen Federazioaren webgunean.