Villa Dolores

Villa Dolores Ispasterren (Bizkaia) dagoen indiano-etxe modernista da.

Villa Dolores
Kokapena
Herrialdea Euskal Herria
Probintzia Bizkaia
HerriaIspaster
Koordenatuak43°21′41″N 2°32′40″W
Map
Arkitektura
Estiloaarkitektura modernista
Ondarea
69

    Kokapena

    Villa Dolores etxea Ispasterko Elexalde auzoan dago, San Miguel eliza nagusiaren parean hain zuzen ere.

    Kobeagatarrak

    Cristobal Kobeaga eta Maria Josefa Idoiaga Atxabal ispastertarrak Argentinara joan ziren XIX. mendearen bigarren erdian, eta bertan abeltzaintzan lan eginez aberastu ziren. Mar Chiquitan (Buenos Aires) bizi izan ziren, eta lau seme-alaba izan zituzten: Cristobal (1875), Jose Maria (1877), Dolores (1878) eta Benito (1880). Cristobal eta Dolores familiaren negozioarekin jarraitu zuten; Jose Mariak egin zuena ez da ezagutzen; eta Benito mediku bihurtu zen.

    Villa Dolores 2022. urtean.

    Benito Felipa Alberdirekin ezkondu zen, eta hiru seme-alaba izan zituen: Juan Luis (1911-1978), Maria Concepcion eta Jose Luis, gazterik hil zena. 1914ean, Ispasterren zela, gripe epidemia bat gertatu zen eta Benito pazienteak artatzen aritu zen; baina bera ere kutsatu eta hil egin zen.

    Alargundu eta gero, Felipa Cristobal koinatuarekin ezkondu zen. Urteekin Euskal Herrira etorri ziren, Donostian bizitzen jarrita.[1]

    Historia

    Uste denez, etxea Benito Kobeaga Idoiagaren enkarguz eraiki zen udako oporrak pasatzeko, eurak Coronel Pringlesen (Buenos Aires) bizi baitziren.

    Gaur egunean salgai eta erabilpenik gabe dago.[1]

    Erreferentziak
    1. Rua. (2014-12-30). «casonas de indianos 2: 52.- VILLA DOLORES - ISPASTER» casonas de indianos 2 (Noiz kontsultatua: 2022-04-02).

    Kanpo estekak
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.