Viktor Saneiev

Viktor Danilovitx Saneiev[1] (errusieraz: Виктор Данилович Санеев, georgieraz: ვიქტორ სანეევი; Sokhumi, 1945eko urriaren 3a - Sydney, 2022ko urtarrilaren 3a) georgiar atleta izan zen, jauzi hirukoitzean aditua.

Viktor Saneiev
Irudi gehiago
Bizitza
Jaiotza	Sokhumi, 1945eko urriaren 3a
Herrialdea	Australia  2022)  Sobietar Errepublika Sozialisten Batasuna  (1945 -  1991)  Georgia  (1991 -
Lehen hizkuntza	georgiera
Heriotza	Sydney, 2022ko urtarrilaren 3a (76 urte)
Hezkuntza
Heziketa	Georgian State University of Subtropical Agriculture (en)
Hizkuntzak	errusiera ingelesa georgiera
Jarduerak
Jarduerak	atleta
Atletismoa Kirol diziplinak Jauzi hirukoitza Errekorrak Berezitasuna Irizpidea Data M Marka pertsonalak Berezitasuna Lekua Data M
Parte-hartzailea 1980ko Udako Olinpiar Jokoak 1976ko Udako Olinpiar Jokoak 1972ko Udako Olinpiar Jokoak 1968ko Udako Olinpiar Jokoak
Entrenatzailea	Akop Kerselyan (en)
Pisua	78 kilogramo
Altuera	188 zentimetro
Jasotako sariak	ikusi Leninen Ordena Urriko Iraultzaren Ordena Lanaren Bandera Gorriaren Ordena Herrien arteko Adiskidetzaren Ordena SESBeko Kirolaren Maisu ohorrezko Order of Honour honorary citizen of Tbilisi Order of Vakhtang Gorgasali
Sinesmenak eta ideologia
Alderdi politikoa	Sobietar Batasuneko Alderdi Komunista

Urrezko domina bana irabazi zuen 1968, 1972 eta 1976. urteetako Olinpiar Jokoetan, atletismoko proba zailenetako batean: jauzi hirukoitza. Laugarrenean batez ere parte hartu zuen, baina zilarrezko dominarekin etsi behar izan zuen. Bere zalutasun, lastertasun eta jauzi luzearengatik aise menderatu zituen arerio guztiak. 1964an, Europako Gazte Txapelketan, lehen postua lortu zuen, 15,78 metroko jauziarekin. Aurrerago luzera jauzian eta 100 metrotan ere parte hartu zuen: 7,90 metro eta 10,5 segundo izan ziren bere markarik onenak, hurrenez hurren. Lau urte geroago, 1968an, debuta egin zuen Olinpiar Jokoetan, Mexikon; urrezko domina irabazi zuen, 17,39 metroko jauzi harrigarriarekin. 1972an, Munichen, bigarren urrezko domina eskuratu zuen, jauzi laburrago batekin, 17,35 metro. Hirugarrena, 1976an, Montréalen, ezusteko handia izan zen, ordurako ez baitzen bera faboritoa, Joao Carlos de Oliveira brasildarra baizik. Hala ere, Saneievek 17,29 metroko jauzia egin zuen eta hirugarren urrezko domina irabazi zuen. 1980an, Moskuko Jokoetan, 17,24 metroko jauzia egin zuen, urrezko domina irabazi zuenak baino 13 cm gutxiago. Lau Olinpiar Jokotan parte hartu eta denetan domina irabazi duten kirolari bakarretako bat izan zen.