Victor Sawdon Pritchett

Victor Sawdon Pritchett
	;
; PENeko lehendakari	; 1974 - 1976 ; ← Heinrich Böll - Mario Vargas Llosa →
; PENeko lehendakari
Bizitza
Jaiotza	Ipswich, 1900eko abenduaren 16a
Herrialdea	Erresuma Batua
Heriotza	Londres, 1997ko martxoaren 20a (96 urte)
Hezkuntza
Heziketa	Dulwich College (en) ; Alleyn's School (en)
Hizkuntzak	ingelesa
Jarduerak
Jarduerak	idazlea, literatura-kritikaria, eleberrigilea, unibertsitateko irakaslea, kazetaria, biografoa eta kritikaria
Enplegatzailea(k)	Kaliforniako Unibertsitatea ; Smith College
Jasotako sariak	ikusi Britainiar Inperioko Ordenaren komendadorea ; Fellow of the Royal Society of Literature ; Knight Bachelor ; Heinemann Award ;
Kidetza	Arteen eta Zientzien Ameriketako Estatu Batuetako Akademia; Errege Literatura Elkartea

Victor Sawdon Pritchett (Ipswich, Erresuma Batua, 1900eko abenduaren 16a - Londres, 1997ko martxoaren 20a) ingelesezko idazlea izan zen.

Bizitza

Ikasketak Londresen egin zituen. Lau urtez larrua lantzeko lantegi batean lan egin zuen, saltzaile izan zen eta argazkilari baten laguntzaile gisa aritu zen Parisen. 1923-1926 urteen bitartean Christian Science Monitor aldizkariko berriemaile izan zen Irlandan eta Espainian. Londresa itzuli zenean kritikari gisa lan egin zuen hainbat aldizkaritarako, New Statesmanerako batez ere.

Pritchetten lehenengo lanak Bidaia Espainian zehar (1928) izan zen, eta lehenengo eleberriak Clare Drummer (1929) eta Larrua bezalako ezer ez (1937). 1937an Brasilen kokatua den Lehenengo hila abentura liburua argitaratu zuen; Pritchettek Brasil ezagutzen ez bazuen ere, literatura-genero horretako klasiko bat bihurtu zen. Mr. Bluncle (1951) hartzen da bere eleberri hoberentzat. Hala eta guztiz ere, ipuinek egin zuten ospetsu, batez ere Espainiako andre maria eta beste ipuin batzuk bilduman argitaratu zituenak (1930). Bestalde, ezaguna izan zen idatzi zituen kritika eta saiakerengatik: Inpresio iraunkorrak (1990) eta Saiakera osoak (1991). Hainbat biografia idatzi zituen, Balzac (1973), Turgueniev (1977) eta Chejov (1988). 1971n bere autobiografia argitaratu zuen, Midnight Oil.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Victor Sawdon Pritchett

Datuak: Q1885875

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.