Verkhoiansk

1638an, kosakoak lekutu ziren egungo hiriaren 90 km hego-mendebalderantz zegoen kokagunean. 1775ean, kokalekua Jana ibaiaren alderantz eraman zuten, zergak errazago biltzekotan. 1817an, hiri-izendapena eman zioten.

1917 arte, politikari atzerriratuen harrera-gunea izan zen. 1922an, hobi komuna egin zuten, Errusiako Gerra Zibilean hildako Armada Gorriko soldaduak lurperatzeko.

Hiriko jardunbide nagusia nekazaritza, abeltzaintza (ganadua, zaldi-aziendak, elur-oreinak) eta larru-salerosketa da. Egurdunak ere badaude. Ibaian lehorreratzeko tokia eraikita dago.

Neguan oso tenperatura hotza egoten da: urtarrilean, batez beste -46,2 °C egiten du. Horrenbestez, urteko hozberoetan ere gorabehera handiak daude, uztailean 15,2 °C ere egoten direlako. 1892ko otsailaren 7an -69,8 °C egon zen, ezagutu duten hotzena; eta beroena, 37 °C jasoa dute.

Datu klimatikoak (Verkhoiansk)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	−9.5	−6.2	4.5	14.3	28.1	34.0	37.3	33.7	25.1	14.5	1.1	−5.3	37.3
Batez besteko tenperatura maximoa (°C)	−42.4	−36.7	−19.3	−3.0	10.0	20.0	23.5	18.6	8.5	−9.1	−30.7	−40.4	−8.7
Batez besteko tenperatura (ºC)	−45.4	−41.8	−29.5	−12.4	3.8	13.4	16.5	11.5	2.5	−14.5	−34.8	−43.3	−14.5
Batez besteko tenperatura minimoa (°C)	−48.3	−45.9	−37.9	−22.1	−2.6	6.7	9.7	5.1	−2.3	−18.9	−38.2	−46.4	−20.1
Erregistraturiko tenperatura minimoa (°C)	−67.8	−69.8	−60.3	−57.2	−34.2	−7.9	−3.2	−9.9	−21.7	−48.7	−57.2	−64.5	−69.8
Pilatutako prezipitazioa (mm)	6	6	5	5	14	27	34	34	19	11	11	8	180
Prezipitazio egunak (≥ 1 mm)	10	8	7	5	6	10	9	9	8	11	12	11	106
Eguzki orduak	0.0	79.1	213.9	297.0	300.7	309.0	300.7	232.5	141.0	74.4	21.0	0.0	1969.3
Iturria (1): Погода и Климат[1]
Iturria (2): Climate & Temperature[2]