Vedda etnia
Vedda (sinhalaz: වැද්දා; tamileraz: வேடுவர் Vēṭuvar) Indiako ozeanoan dagoen Sri Lanka uharteko ekialdeko oihanetan eta mendietan bizi den etnia da.
| Vedda | |
|---|---|
Sri Lankako vedda gizona. | |
| Biztanleak guztira | |
| 2.500 (2002) | |
| Biztanleria nabarmena duten eskualdeak | |
 Sri Lanka | |
| Hizkuntza | |
| Sinhala, tamilera | |
| Erlijioa | |
| Animismoa, budismoa, hinduismoa | |
| Zerikusia duten beste giza taldeak | |
| Sri Lankako tamilak |
Uharteko lehen biztanleak izan ziren veddak. Arrazaz zurien eta beltzen artekoak dira, eta nolabaiteko antza dute australiar jatorriko leinuekin: txikiak dira (1,55 m), azal ilunekoak, dolikozefaloak, betzulo-gain nabarmenak dituzte, sudur zabal zapala eta ezpain lodiak. Haietako batzuek oso molde zaharreko kultura dute, Harri Arokoa ia-ia, harpeak izaten dituzte bizitegi, eta fruituak biltzetik, ehizatik eta arrantzatik bizi dira. Haien jatorrizko hizkuntza vedda hizkuntza da, baina gaur egun hainbat veddaren lehen hizkuntza sinhala edota tamilera dira. Gaur egun srilankarrekin nahastuta bizi dira ia guztiak: 1911n, gobernuaren arabera, 5.500 inguru ziren, eta 800 baino ez srilankarrengandik bereiz bizi zirenak 1964an.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
