Varnhem abadia

X mendearen inguruan egur eta harrizko eliza bat izan zen bertan, hori erakutsi baitute hilobi zaharrenen erradiokarbono datazioek, baina 1040 hamarkadaren bukaeran monasterio berriaren lehenengo harria ezarri eta Suediako (Eskania ezik) harri hutsezko eliza zaharrena altxatu zuten erromaniko estiloan. Horretarako Sigrid izeneko emakume alargu aberats batek lurraldea oparitu zien monje zistertarrei. Erreginak donazio hori atzera itzuli nahi izan zuen baina ez zuen lortu eta monjeek abadia eraikitzea lortu zuten.

Erik Etxeak babestu zuen abadia eta bertan lurperatzeko pribilejioa jaso zuen. Etxe horretako hiru errege daude bertan hobiratuak: Kanuto I.a, Erik X.a eta Erik XI.a.

1234 urtean suak erre zuen abadia baina Birger Jarl eta beste gizon aberats batzuek berreraiki egin zuten itxura ikusgarriagoa emanez, estilo gotikoan. 1260an inaugurazio ekitaldia egin zuten, Suedian ordurarte ezaguturiko ospakizun handiena izan zen.

1527an Erlijio Erreformarekin batera monasterioa konfiskatu egin zuen erregeak eta 1566an daniarrek erre egin zuten Iparraldeko Zazpi Urteko Gerran.

XVII mendean Kristina Erreginak Magnus Gabriel De la Gardie estatugizonari eman zion abadia eta honek berriztu egin zuen eta familiako mausoleoa ezarri zuen bertan, abadiaren zati ugari ordea bertan behera gelditu ziren. XX mendean hainbat berrizte lan egin izan zaizkio eta gaur egun monasterioa ikusgai dago, hondarrez inguratuta bada ere.

Varnhem abadian lurperaturikoen artean honako hauek nabarmentzen dira:

• Erregeak:
  • Inge Zaharra
  • Kanuto I.a Suediakoa
  • Erik X.a Suediakoa
  • Erik XI.a Suediakoa
• Besterik:
  • Björn Näf
  • Birger Jarl
  • Magnus Gabriel De la Gardie

• 
  Abadiaren ikuspegia.
• 
  Aurrealdea.
• 
  Barnealdea.
• 
  Monasterioko klaustro zaharra.
• 
  Monasterioaren hondarrak.