Véronique Sanson

Véronique Sanson (Boulogne-Billancourt, Frantzia, 1949ko apirilaren 24a) frantsesezko abeslaria eta musikagilea da. Frantses abestigintza nahiko motel zebilen garaian, gertaera nabarmena izan zen Véronique Sansonen Amoureuse diskoa (1972). Entzuleek harrera ona egin zioten vibrato oso bereziko ahots hari, rock- eta sanba-ukituak dituen musikari eta freskotasunez betetako testuei. Ospe handia lortu zuen Vancouver (1976) eta Hollywood (1977) lanekin. Azken lan horretan, swingerako joera azaltzen da. Ondoren, oinarri poetikoko eta etsipenezko lanak egin zituen, bluesaren eraginpean: Ma révérence (1979) eta Le temps est assassin (1983).

Véronique Sanson
Irudi gehiago
Bizitza
Jaiotzako izen-deiturak	Véronique Marie Line Sanson
Jaiotza	Boulogne-Billancourt, 1949ko apirilaren 24a (74 urte)
Herrialdea	Frantzia
Lehen hizkuntza	frantsesa
Familia
Aita	René Sanson
Ezkontidea(k)	Stephen Stills  (1973 -  1979) Pierre Palmade  (1995eko ekainaren 27a -  2004ko maiatzaren 27a)
Bikotekidea(k)	ikusi Michel Berger
Seme-alabak	ikusi Chris Stills (en)
Hezkuntza
Heziketa	Cours Hattemer (en)
Hizkuntzak	frantsesa
Jarduerak
Jarduerak	egile abeslaria eta piano-jotzailea
Jasotako sariak	ikusi Victoires de la Musique – Female artist of the year  (1993) Victoires de la Musique – Female artist of the year  (1996) Arte eta letren komendadorea  (2019ko martxoaren 12a) Sacem Awards  (2015) Merezimenduaren Ordena Nazionaleko Zalduna  (1992ko azaroaren 16a) Grande médaille de la chanson française  (2015)
Genero artistikoa	chansona
Musika instrumentua	ahotsa pianoa
Diskoetxea	Warner Music Group
veronique-sanson.net

Beste batzuetan, erritmo-etorri nabarmeneko lanak egin zituen, eta arrakasta handia izan zuten entzuleen artean: Celui qui n'essaie pas (1979) eta Rien que de l'eau (1992). Estatu Batuetan egin zituen urteetan, trebetasun handia lortu zuen eszenan, eta erritmo eta sentiberatasunezko jai handi bilakatu ziren haren kontzertuak. Pragako Orkestra Filarmonikoarekin Symphonie Sanson lana grabatu zuen. I Muvrini Korsikako taldearekin ere lan egin du. 2010ean plazaratu zuen azken diskoa, Plusieurs Lunes.