Usandizaga-Peñaflorida-Amara BHI

Usandizaga-Peñaflorida-Amara BHI Donostiako Amara auzoan kokatzen den Bigarren Hezkuntzako Institutu publikoa da. Bertan Derrigorrezko Bigarren Hezkuntza, Batxilergo eta Lanbide Heziketako zikloak eskaintzen dira. Bi eraikin bereizietan banatzen da, 1998 urtera arte Usandizaga Institutua, 1956 urtean eraikia eta hainbat urtetan institutu femeninoa izan zena, eta Peñaflorida Institutua, 1964 urtean eta gizonezkoen institutua izan zena, ikastetxe ezberdinak baitziren.

Usandizaga-Peñaflorida-Amara BHI
Kokapena
Herrialdea Euskal Herria
Probintzia Gipuzkoa
UdalerriaDonostia
Koordenatuak43°18′24″N 1°58′53″W
Map
Kontaktua
HelbideaAitzol parkea 1
Webgune ofiziala


    Historia

    Donostiako bigarren hezkuntzako institutu honen jatorria Bergaran dago. Hasieran Jesusen Lagundiaren zuzendaritzapean (1593-1797). Karlos III Espainiakoak jesuitak edo jesulagunak kanporatu zituenean, ikastetxea hutsik geratu zen.[1]


    1764. urtean, Frantzisko Xabier Maria Munibe Idiakez jaunak, hots, Peñafloridako kondeak, Euskalerriaren Adiskideen Elkartea eratu zuen. Eta 1765eko Estatutuen arabera, besteren artean elkartearen helburuetako bat "ezjakintasuna baztertzea" zen. Haien esku egon zen 1769-1804 eta Gobernuaren esku XIX. mende ia osoan (1804-1880).

    1868an Bigarren Irakaskuntza libre deklaratu zen eta, horren ondorioz, beste ikastetxe asko eraiki ziren Gipuzkoan. Izena ere asko aldatu zen hiru mende horietan zehar, garaian garaiko gorabeherak bezain beste.

    XIX. mende bukaeran gerraren ondorioz, irakaslegoak Donostian hartu zuen babes eta behin-behinekoz bertara eraman zuten 1873 urtean. 1880ean, berriz, institutua Donostian behin betiko geratzea erabaki zen eta horretarako eraikin berri bat egin zen Urdaneta kalean, egun Koldo Mitxelena Kulturunearen egoitza dena.

    1934. urtean, Euskalerriaren Adiskideen Elkartea sortu zuen konde jakintsuaren omenez, Institutuari “Peñaflorida” izena jarri zitzaion.

    1956. urtean institutu berri bat eraiki zen Amaran eta hara joan zen institutua Urdanetako egoitza utzita. Baina, populazioaren hazkundea zela eta, 1965ean beste bat eraiki behar izan zen. Neskak lehen eraikinean geratu ziren (“Usandizaga” izena jarri zioten, musikari donostiar ospetsuaren omenez), eta mutilak, berriz, bigarrenera joan ziren. Eraikin horrek jarraitu zuen “Peñaflorida” izenarekin.

    1998an, bi institutuak batu egin ziren LOGSEk (Espainiako Hezkuntza Sistemaren Antolamendu Orokorraren Lege Organikoa) eragindako aldaketak aurrera eramateko Usandizaga-Peñaflorida-Amara BHI institutua sortuz. Harrez gero, Usandizaga eraikinean batxilergoak eta zuzendaritza kokatzen dira eta Peñaflorida eraikinean Derrigorrezko Bigarren Hezkuntza.[2]

    2011ko Azaroan 1965eko Peñaflorida eraikina eraitsi zuten[3] eta 2013ko Irailean hasi ziren[4] berriz eskolak eraikin berrian.

    Kokapena

    Usandizaga eraikina

    Aitzol parkea, 1 A 20011-Donostia Tel. 943 454366 - Fax 943 450112

    Peñaflorida eraikina

    Jose Maria Salaberria, 8 20010-Donostia Tel. 943457000 - Fax 943 457054

    Irakasle ospetsuak

    Hezkuntza eskaintza [9]

    Hezkuntza eskaintzari dagokionez, DBH eta batxilergo ibilbide eta oinarrizko aukera guztiak dituen institutu bakarra da Gipuzkoan, gaueko batxilergoa eta Publizitate grafikoaren goi zikloa barne.

    Bertara, inguruko ikastetxeetako haurrak etorri ohi dira, hala nola: Amara Berri eskola publikoa, Ikasbide ikastola, Katalin Erauso ikastetxea, Aiete ikastetxea...

    Erreferentziak
    1. ]Gómez Piñeiro, Javier (1999), Geografía e historia de Donostia-San Sebastián, Ingeba, ISBN 84-930927-0-3, http://www.ingeba.org/liburua/donostia/index.htm.
    2. Arbelaiz, Juan José (2012), IES Usandizaga-Peñaflorida-Amara BHI: Gure ikastetxearen historia laburra
    3. http://irutxulo.hitza.eus/2011/11/04/penafloridaren-agurra/
    4. https://www.diariovasco.com/v/20130903/san-sebastian/nuevo-penaflorida-esta-listo-20130829.html
    5. «Chabaneau, Pierre François - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2018-07-16).
    6. «Proust, Luis Joseph - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2018-07-16).
    7. (Gaztelaniaz) «Thunborg, Anders Nicolaus - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2018-07-16).
    8. «Mitxelena Elissalt, Koldo - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2018-07-16).
    9. http://www.usandizaga.com/h-eskaintza/

    Ikus, gainera

    Kanpo estekak
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.