Jubileu

Jubileu edo urte santu kristautasunean eta judaismoan, bekatuen barkamena unibertsala bilatzen duen urte berezia da. Juduen artean, Jainkoari eta atsedenari esleitutako urtea da, berrogeita hamar urtetik behin ospatu behar zena.[1] Lebitarrenean honela agintzen zuten:

« Berrogeita hamargarren urtea urte santutzat hartuko duzue eta "Jubileu Urte" emango diozue izen. Urte horretan askapena aldarrikatuko duzue zeuen lurraldeko biztanle guztientzat: nork bere lurren jabetza berreskuratu ahal izango du, nor bere senitartera itzuliko da.  »

—Lb 25:10

San Petri basilikaren ate santua, jubileurako irekitzen dena.

Eliza katolikoak hogeita bost urtetik behin kristauen bihotz-berrikuntza eta bekatuen barkamenerako garai gisa egiten duen urte santua da.[1]

Kristautasunean, lehendabizikoz 1300. urtean ospatu zuten, Bonifazio VIII.ak hala aginduta.[2] Kristauek ohikoa dute Erroma, Jerusalem edo Santiago de Compostelara joatea (Jakuetar Urte Santua).

Erreferentziak
  1. Harluxet Hiztegi Entziklopedikoa. Jubileu. .
  2. Cadenas y Vicent, Vicente de. (1974). Instituto Salazar y Castro (CSIC) ed. Evocación de los años santos, 1300-1975. Madril: Ediciones Hidalguía, 159 or. ISBN 978-84-4008-174-2..

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.