Urriellu

Urriellu /
Naranjo de Bulnes
Urriellu /; Naranjo de Bulnes
Datu orokorrak
Garaiera	2.518 m
Prominentzia	500 m
Mota	mendi
Geografia
Koordenatuak	43°12′00″N 4°49′00″W
Mendikatea	Europako mendiak
Estatu burujabe	Espainia
Autonomia	Asturiasko Printzerria
Probintzia	Province of Asturias
Asturiasko kontzeju	Cabrales
Babestutako-eremua	Europako Mendietako Parke Nazionala
Mendizaletasuna
Lehen igoera	1904ko abuztuaren 5ean Pedro Pidal eta Gregorio Pérez "El Cainejo" gidariak eginikoa.
Ohiko bidea	Hegoaldeko aurpegia:; Los Martinezeko igoera zuzena.
Geologia
Material nagusia	kareharri

Urriellu edo Naranjo de Bulnes[1] (asturierazko izena: Picu Urriellu) Europako Mendietako erdialdeko mendigunean kokaturiko mendia da. Cabraleseko udalerrian eta Europako Mendiak parke naturalean dago; 2.518 metroko altuera du, eta mendilerroko mendirik altuena ez izan arren, Espainiako mendirik ezagutuenetarikoa eta Espainiako alpinismoaren ikur nagusienetakoa da, batez ere bere mendebalde paretaren 500 metro baino gehiagoko goibehearengatik.

Igoera Historikoak

Urrielluren lehen igoera, 1904ko abuztuaren 5ean Pedro Pidal Bernaldo de Quiros (Villaviciosa de Asturiaseko markesa) eta bere mendi-gidaria zen Pedro Pidal "El Cainejo" artzainaren eskutik etorri zen. Igoera hau, kalamuzko soka batekin eta apretekin mendi honen ipar-paretatik burutu zuten (Gaur egun Pidal eskalada bidea bezala ezagutzen da igo ziren bidea).

Bigarren igoera Gustav Shultze Alemaniarraren eskutik etorri zen, ipar paretatik baita ere 1906ko urriaren 1ean (Gaur egun Shultze bidea bezala ezagutzen da eskalada bidetik). Igoera hau, zenbait ezaugarri nabargarriak izan zituen, Urriellura bakarrean burututako lehen igoera izan zen, eta penintsulan eskalada iltzeak erabili ziren lehen aldia izan zen, hego paretatik rappel-ean jeisteko erabili zituenak.

1916ko abuztuaren 31n izan zen, Víctor Martínez Campillok hego paretatik igo zen lehen aldiz, gaur egun Victor eskalada bidea bezala ezagutzen dena.

1956ko martxoaren 8an, Angel Landa eta Pedro Udaondo mendizale euskaldunek ekialdeko paretatik lehen igoera pairatu zuten, gaur egun Cepeda eskalada bidea ezagutzen dena.

1962ko abuztuaren 21ean, Alberto Rabada eta Ernesto Navarrok mendebaldeko pareta igo zuten, Espainiako erronka alpinistikorik handienetarikoa gaindituz.

Nola heldu

Mendi honetara ailegatzeko, zenbait bide aurki ditzakegu:

Sotresetik, bai teleferikoa Bulnesera hartuz eta gero oinez (3 ordu), edo bide osoa oinez eginez (5 ordu).
Pandebanoko mehargunetik oinez, bi orduko bidea eginez.
Cabaña Veronicatik egun bat oinez.

Iruditegia

Mendiaren ikuspegia
Iparraldeko aurpegia
Gertutik ikusita
Laino artean

Erreferentziak

159. araua. Euskaltzaindia (Noiz kontsultatua: 2010-10-6).

Kanpo estekak

(Gaztelaniaz) Naranjo de Bulnesen gidarien webgunea.
(Gaztelaniaz) Nola ailegatu Sotres herritik Naranjo de Bulnesera.
(Gaztelaniaz) Hego paretaren eskalada bideak.
(Gaztelaniaz) Naranjo de Bulnesen eskalada bide gehienak.
(Gaztelaniaz) Alpinaut.com.

Datuak: Q2636482
Multimedia: Naranjo de Bulnes / Q2636482

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[euskaltzaindia-1] 159. araua. Euskaltzaindia (Noiz kontsultatua: 2010-10-6).