Urizar Etxe Zaharra
Urizar Etxe zaharra Getxo udalerriko Neguri auzoko Cristobal Colon kalean kokatuta dago, 23.garren zenbakian hain zuzen ere. Estilo eklektikoa, euskal molde berriko eraikinen egokiera tipikoa du eta 2001 urtetik Getxoko eremu berezian sailkatuta dago.
| Urizar Etxe Zaharra | |
|---|---|
 Eraikitako euskal ondasun nabarmena | |
| Getxoko eremu berezia | |
 | |
| Kokapena | |
| Herrialdea |  Euskal Herria |
| Probintzia |  Bizkaia |
| Herria | Getxo |
| Koordenatuak | 43°20′21″N 3°00′11″W |
 | |
| Ondarea | |
| EJren ondarea | 136 |
Eraikina
Lau aldeak agerian dituen eraikina da, oin laukizuzena, hedadura handiko lorategi batez inguratua. Altxaeran erdisotoa, behe-oina, lehenengo solairua eta estalkipea dauzka, eta lau isurikoa da teilatua. Fatxada nagusia, Cristobal Colon kalearen paraleloan, neurritsua da eta jauregiaren itxura du behe-oinean: erdi-puntuko arkuko bao handiak, sarrerako ataripe aurreratua eta luzapena albotik. Gorputz honen gainean forjazko balkoi handi bat etzaten da. Eskantzuak, baoen inguruak eta ataripeko gorputza ondo landutako silarriz eginak dira. Gainerakoa, ageriko adreilua duen solairu batean izan ezik, entokadura tiroldarraz estalita dago. Eskuin alboko fatxadan, estilo eta konfigurazio berberaz inguraturik, aipagarria da erdi-puntuko arkuaren-begiratoki poligonalaren arteko elkarketa, behe-oinean, eta beste balkoi burdinsaredunaa, lehen oinean.[1]
Galeria
Erreferentziak
Kanpo estekak
| Autoritate kontrola |
|
|---|
Datuak: Q65559855
Multimedia: Buildings in Getxo / Q65559855