Ikaburuko leizeak

Ikaburuko leizeak, Urdazubiko leizeak ere deituak, Nafarroa Garaiko ipar-mendebaldean dauden haitzulo batzuk dira. Zehazki, Leorlaz auzoan daude, Urdazubiko erdigunetik 1,3 kilometrora. Urtxuma errekak sortu zituen, higaduraren higaduraz, orain dela 14.000 bat urte. Batik bat ezagunak dira beste garai batean handik pasatzen zuten kontrabandoagatik.

Ikaburuko leizeetako sarrera.
Ikaburuko leizearen eguna, 2016-07-16.

Leize hauek urte osoan bisita daitezke, beti ere gidari espezializatuekin. Ibilbide batek (S.L NA-16 "Lezeetako bidexka") Xaretako haitzulo guztiak lotzen ditu: Urdazubikoak, Sarakoak eta Zugarramurdikoak.[1]

2015. urteaz geroztik, uztailean Ikaburuko leizearen eguna ospatzen da, familia guztiarentzako jarduera ugarirekin.[2]

Erreferentziak
  1. Bertizko Partzuergo Turistikoa: Lezeetako bidexka
  2. «Ikaburuko Lezearen Egunaren bigarren edizioa ospatu dute uztailaren 16an», Ttipi-ttapa, 2016-07-18.

Kanpo estekak
Euskarazko Wikipedian bada atari bat, gai hau duena:
Euskal Herriko Wikiatlasa
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.