Ur Mara Museoa

Ur Mara Museoa Gipuzkoako Alkiza herrian sortutako arte-gune esperimentala da eta, aldi berean, Koldobika Jauregi eskultorearen eta Elena Cajaravlleren lanen erakustokia. Museoa 2010ean ireki zuten biek.[1]

Ur Mara Museoa
Map
Kokapena
Herrialdea Euskal Herria
Probintzia Gipuzkoa
UdalerriaAlkiza
Arkitektura
Deskribapena
Webguneahttp://www.urmara.com
OharrakAzaroak 1etik martxoaren 31 arte bakarrik bisita gidatuak.

Ezaugarriak

Museoa baso batean kokatuta dago. Bertan ere karobi zahar bat ikus daiteke, auditoria naturala berez. Negutegi batean mota askotako aktibitateak egiten dira: erakusketak, kontzertuak, tailerrak. Aktibitate horien artean "Grap Hik" jarduera azpimarratzekoa da, eskuz egindako paperari eskainitako gunea, alegia. Parkean Henry David Thoreau idazleari eskainitako espazioa dago, "Hitzaren babesa". Koldo Jauregiren eskulturak, bestetik, gune desberdinetan daude antolatuta: "Kantu ixila", "Barne Kanta", "Basa kanta-Altzurüku". Museoaren beste helburua inguruko balore etnografikoak babestea da.[2]

Eskolei zuzendutako tailerrak

Hauek dira planteatzen direnak:

  • Papergintza tailerra
  • Esku tailerra
  • Beirate tailerra
  • Eskultura tailerra
  • Ehungintza tailerra
  • Graffitiak basoan.

Halaber, bisita gidatuak antolatzen dira.

Lankideak

Susana Cencillo. Musikaria da, akordeioaz gain beste hainbeste instrumentu jo eta zuzentzen ditu. Musika, ikusentzun edo antzerkiarekin zerikusia duten proiektuetan lankidea.

Juan Barbe. Artisau papergintzan maisu. Papera, landare papirifero eta inprimatze tekniketan jakituna. Tailerrak eta hitzaldiak noizbehinka eman izan ohi ditu Ur maran.

Juan Kruz Igerabide. Idazlea. Hainbat sari irabazitako sortzailea, literatura gaietan laguntzen du.

Antonio Casado da Rocha. Filosofian doktorea, Euskal Herriko Unibertsitateko irakaslea eta ikertzailea, Henry David Thoreau-ren pentsamenduan espezialista eta ohiko kolaboratzailea.

Felix Aizpurua (OBBTKN). Diseinatzaile eta ilustratzailea. Teknologia eta komikiarekin zerikusia duten gaietan laguntzen du, komunikazioan eta sareetan ere.

  • Slow Art Day (2022-04-02)

Erreferentziak
  1. "Ur mara museoa. Kultura mara mara", Hik Hasi aldizkaria, 267. zk., 2022ko apirila, 40or.
  2. https://web.archive.org/web/20160630071937/http://www.noticiasdegipuzkoa.com/2015/04/11/ocio-y-cultura/ur-mara-no-es-un-museo-al-uso-no-mostramos-arte-a-lo-bestia

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.