Untxi-okela

Untxi-okela, untxikia edo untxi-haragia[1] untxitik eratorritako haragi-produktua da, hazkuntzaren bidez edo, historikoki, ehizaren bidez lor daitekeena. Haragi zuritzat hartzen da.[2] Nahiz eta ez den behiki, txerriki edo hegaztikia bezain ezaguna, Europan tradizioa du, batez ere landa-eremuetan.

Untxi-okela
mammal meat (en) Itzuli eta game meat (en) Itzuli
Historia
Honen produktuauntxi

Untxi-okelarekin egindako plater batzuk honako hauek dira: hasenpfeffera Alemanian, andrajos eta conill amb xocolata Espainian, cacciatorea Italian, cabidela Portugalen, rabbit pie Erresuma Batuan, ostropela Errumanian eta stuffat tal-fenek, Maltako plater nazionala. Aldiz, munduko beste toki batzuetan untxia maskotatzat hartzen dute eta bere kontsumoa tabutzat.

Untxi-okelaren ekoizpen industriala Italian, Frantzian, Venezuelan, Ipar Korean, Egipton, Espainian, Estatu Batuetan eta Txinan egiten dute nagusiki, azken hau munduko ekoizlerik handiena delarik (2010ean 690.000 t, munduko ekoizpenaren %40a).[3]

Sukaldaritzan, errea presta daiteke, labean, plantxan, salteatuta, gisatuta, konfitatuta, frijituta... gantz gutxi duenez haragi lehortzat hartzen dute. Kolesterolean ere baxua da, eta, beste haragi batzuetan ez bezala, digestio errazekoa da.[4]

Erreferentziak
  1. Euskalterm: [Hipermerkatuetako Produktuak Hiztegia] [2009]
  2. (Gaztelaniaz) Dra. Haro García, A.. «La carne de conejo: una carne blanca rica en proteínas.» Puleva.
  3. (Ingelesez) Rabbit Advocacy Network. (2014-10-19). Rabbit Meat. .
  4. (Gaztelaniaz) Camps Rabadà, J.. El valor nutritivo de la carne de conejo. Universitat Autònoma de Barcelona.

Kanpo estekak
Gastronomia Artikulu hau gastronomiari buruzko zirriborroa da. Wikipedia lagun dezakezu edukia osatuz.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.