Unión Deportiva Las Palmas
Unión Deportiva Las Palmas futbol talde kanariarra da, 1949an Kanaria Handiko Las Palmas hirian sortutakoa. Gaur egun Espainiako futbol ligako lehen mailan jokatzen du, baita historian zehar bertan 34 denboralditan ibili ere 2019-20 arte. 4 aldiz irabazi dute bigarren mailako txapelketa. Ligaren sailkapen historikoan 19. taldea da.
Sorrera | 1949 | ||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Futbol zelaia | Estadio de Gran Canaria edukiera: 31.250 lagun inaugurazioa: 2003 | ||||||||||||||||||||||||||||||||
Presidentea | Miguel Angel Ramírez | ||||||||||||||||||||||||||||||||
Entrenatzailea | Francisco Javier García Pimienta | ||||||||||||||||||||||||||||||||
Liga | 1. maila | ||||||||||||||||||||||||||||||||
2023-24 | 2. maila, 2.a (igo) | ||||||||||||||||||||||||||||||||
Webgunea | Webgune ofiziala | ||||||||||||||||||||||||||||||||
|
Lehiakortasun handia du Club Deportivo Teneriferekin, biak kanariarrak baitira.
Historia
Sorrera eta hasierako urteak
Taldearen sorrera 1949an gertatzen da hiriko bost futbol taldek bat egin zutenean, horti Unión Deportiva izena. Bost taldeak honako hauek ziren: Club Deportivo Gran Canaria, Atlético Club, Real Club Victoria, Arenas Club eta Marino Fútbol Club. Bi urte baino ez zituen behar izan lehen mailara igotzeko, bertan urte bakarra egin bazuen ere. Baina bide onean zegoen eta 1955 eta 1960 artean lehen mailan sei denboraldiz jarraian egon zen.
60. hamarkada: Urrezko aroa
1964-65 urtean igo zen hirugarren aldiz eta 19 denboraldi jarraian eman zituen lehen mailan. Urterik onena baina 60. hamarkadan izan zituen, izan ere 1968an hirugarren egin baitzuen eta 1969an bigarren. Urte haietan ere ohikoa izan Europan parte hartzea, bai Ferien Kopan, nola UEFA Kopan ere.
70. hamarkadan ere bikain aritu zen, batez ere bukaera aldera, 1977an laugarren izan baitzen ligan eta 1978an Errege Kopako finala jokatu baitzuen. Bartzelona nagusitu zitzaion 3-1eko emaitzarekin.
Gainbehera
Baina 19 denboraldi lehen mailan egin ondoren 1983an bigarren mailara jeitsi zen. Ordutik aurrera bi aldiz egon da lehen mailan, 1986-1988 eta 2000-2002, aldi bakoitzean bi urte egin zituen. Bigarren B maila ere ezagutu izan du, batez ere diru arazoak zirela eta. 2005etik aurrera bigarren mailan aritu da, azken urteetan goiko postuetan.
Lehen mailarako itzulera
2013-14 denboraldian lehen mailara igotzeko play-offa jokatu zuen eta luzapenean sarturiko gol baten bidez Córdoba izan zen saria lortu zuena. 2014-15 denboraldian 4. egin zuen ligan eta play-offean Valladolid eta Zaragoza gaindituta lehen mailara itzuli zen.
2015-16 denboraldia makal hasi zuen baina gabon ondoren errekuperatu eta arazo gabe mantendu zen, azkenean 11. postua lortuz. 2016-17 denboraldian ere 14. postu lasaia lortu zuen. 2017-18 denboraldian okerrago ibili da eta hainbat jardunaldiren faltan maila galdu du.
Uniformea
Kamiseta horia eta praka urdinak ditu, hauek baitira Kanaria Handiaren kolore tradizionalak. Bigarren kamiseta urtero aldatzen du, kluba sortu zuten bost taldeen kamisetak erabiltzen dituelarik: urdin argia eta zuria (Marino FC), zuria (CD Gran Canaria), zuria eta gorria (Atlético Club), beltza (RC Victoria) eta gorria (Arenas Club).
Etxeko ekipamendua
|
|
|
|
|
|
Kanpoko ekipamenduak
|
|
|
|
|
Datuak
2023-24 barne:
- Denboraldiak 1. mailan: 35
- Denboraldiak 2. mailan: 33
- Denboraldiak 2. B mailan: 6
- Denboraldiak 3. mailan: 0
- Ligako posturik onena: 2.a Lehen mailan (1968-69)
2023/2024 Taldea
2023ko abuztuaren 28an eguneratua.
|
|
Irabazitako txapelketak
Espainiako txapelketak: 4
- Lehen Maila (0):
Bigarren 1968-69 denboraldian eta hirugarren 1967-68an.
- Errege Kopa (0):
finalista 1978an.
- Bigarren Maila (4):
1953-54, 1963-64, 1984-85 eta 1999-2000an.
1994-95 (Las Palmas B taldea)
Lagunartekoak: 1
- Ramón de Carranza Trofeoa (1): 2017.
Azken urteetako ibilbidea
Urtea | # | Maila | Postua | Errege Kopa |
---|---|---|---|---|
2004-05 | 3 | Bigarren B maila | 7.a | 1/64 |
2005-06 | 3 | Bigarren B maila | 3.a | 3. itzulia |
2006-07 | 2 | Bigarren maila | 18.a | 3. itzulia |
2007-08 | 2 | Bigarren maila | 8.a | 1/32 |
2008-09 | 2 | Bigarren maila | 18.a | 2. itzulia |
2009-10 | 2 | Bigarren maila | 17.a | 3. itzulia |
2010-11 | 2 | Bigarren maila | 15.a | 2. itzulia |
2011-12 | 2 | Bigarren maila | 9.a | 2. itzulia |
2012-13 | 2 | Bigarren maila | 6.a | 1/16 |
2013-14 | 2 | Bigarren maila | 6.a | 1/32 |
2014-15 | 2 | Bigarren maila | 4.a | 1/32 |
2015-16 | 1 | Lehen maila | 11.a | 1/4 |
2016-17 | 1 | Lehen maila | 14.a | 1/8 |
2017-18 | 1 | Lehen maila | 19.a | 1/8 |
2018-19 | 2 | Bigarren maila | 12.a | 2. itzulia |
2019-20 | 2 | Bigarren maila | 9.a | 2. itzulia |
2020-21 | 2 | Bigarren maila | 9.a | 2. itzulia |
2021-22 | 2 | Bigarren maila | 4.a | 2. itzulia |
2022-23 | 2 | Bigarren maila | 2.a | 2. itzulia |
2023-24 | 1 | Lehen maila | 1/16 |
Kanpo estekak
- (Gaztelaniaz) Las Palmasen webgune ofiziala
2023-24 denboraldiko Espainiako Futbol Ligako Lehen Mailako taldeak | |
---|---|
Alavés | Almería | Athletic | Atlético Madril | Bartzelona | Betis | Cádiz | Celta Vigo | Getafe | Girona | Granada Las Palmas | Mallorca | Osasuna | Rayo Vallecano | Real Madril | Real Sociedad | Sevilla | Valentzia | Villarreal |