Uadyet
Uadyetek, "Zeruko Anderea" Eguzkiaren bero erretzailea sinbolizatzen zuen, baita suaren garra ere. Beranduago, "Raren Begia". Hazkuntzaren indarra, lurraren eta uren emankortasuna sinbolizatzen zituen. Behe Egipto eta faraoiaren jainkosa babeslea zen egiptoar mitologian.
- Izen egiptoarra: Uadyet. Izen greziarra: Uto edo Buto. Jainkosa greziarra: Leto
| Uadyet | |
|---|---|
| Antzinako Egiptoko erlijioa | |
 | |
| Ezaugarriak | |
| Sexua | emakumezkoa |
| Domeinua | Egipto Beherea |
Ikonografia
Emakumea, Behe Egiptoko koroa gorria eta uraeusarekin. Baita kobra bezala ere, saski batean, koroa gorriarekin. Beste batzuetan, eguzki diskoa eta uraeusa daramatzan lehoi eme bezala.
Mitologia
Anubisen alaba eta Hapi-Mehten emaztea. Horus umeari titia eman zion, Isisen semea zena, eta Sethengandik babestu zuen.
Faraoia eta Behe Egiptoren jainkosa babeslea. Errege tituluaren zati zen. "Bi Andereak" (Nebty izena), "Bi Lurren" gaineko erregetza sinbolizatzen zuena, Goi eta Behe Egipto, alegia.
Epitetoak
Bere izenak "kolore berdeko papiroa" esan nahi du, "berdea" ere deitzen zitzaion, lurraren emankortasuna irudikatzen baitzuen.
Gurtza
Buton jatorria duena eta bertako patroia, Behe Egipton, non orakulu ospetsu bat zuen. Tanisen ere gurtua izan zen. Bere jaia, Paini hilabeteko zazpigarren egunean ospatzen zen.
Izen teoforoak
Uadyet, Nekhbetekin batera, Nebty izenaren zati zen "Bi Andereak", Behe Egiptoko ordezkari bezala.
