USS Coleren aurkako atentatua

USS Cole aurkako atentatua Al-Qaedako zelula batek, Yemengo Adengo portuan ainguratuta zegoela, USS Cole (DDG-67) Ameriketako Estatu Batuetako itsas armadaren destruktorearen aurka 2000ko urriaren 12an egindako atentatu suizida izan zen. Atentatuaren ondorioz, 17 marinel eta bi suizidak hil eta 39 zauritu izan ziren.

USS Coleren aurkako atentatua
Irudia
Map
Motasuicide bombing (en) Itzuli
Data2000ko urriaren 12a
KokalekuAden
HerrialdeaYemen
Parte-hartzaileak
HelburuUSS Cole (en) Itzuli
Pertsona zaurituak39
KaltetuakUSS Cole (en) Itzuli

Atentatua

2000ko urriaren 12an USS Cole, Kirk Lippold komandantearen agindupean, Adengo portuan sartu zen erregaia hartzeko ohiko geldialdi baterako. 09:30ean amarratu zuten behin betiko. Erregaiaren hornikuntza 10:30ean hasi zen. 11:18 inguruan (08:18 UTC), txalupa txiki bat hurbildu zen destruktorearen ababorreko gunera. Segundo batzuk geroago, portutik leherketa handi bat entzun zen, eta, horren ondorioz, destruktorearen kroskoan 10 metro inguruko zuloa zegoen. USS Cole ontziko gizonek pentsatu omen zuten txalupa zaborra biltzen ohi zutenetako bat zela. Eskifaia gosaltzeko prestatzen ari zen bitartean lehertu zen bonba.[1] Taldea itsasontziko makinerian eta gune garrantzitsuenetan ahalik eta kalte gutxien konpontzen saiatu eta arratsaldean arazoak kontrolatzea lortu zuten. Urpekariek kroskoa eta gila aztertu zituzten, eta azken hori hondatu gabe zegoela erabaki zuten.

17 marinel hil eta metrailak 30 baino gehiago zauritu zituen. Zaurituak Ramstein (Alemania) inguruko osasun-zentro batera bidali zituzten, eta geroago Estatu Batuetara. 1987ko maiatzaren 17an USS Stark (FFG-31) itsasontzia jasan zuen irakiar erasotik Estatu Batuetako Itsas Armadaren aurkako erasorik hilgarriena izan zen.

Al-Qaeda erakunde terroristak zuzendu eta antolatu zuen erasoa. Ibrahim al-Thawr eta Abdullah al-Misawa militanteak immolatu ziren.[2]

Erantzukizunak

2007ko martxoaren 14an, Robert Doumar epaileak zuzendutako Estatu Batuetako epaitegi federal batek ebatzi zuen Sudango Gobernua zela atentatuaren plangintzaren erantzulea.[2] Epaitegiaren epaia atentatuaren biktima batzuek herrialde horretako gobernuaren aurka ezarritako auziari erantzunez eman zuen.

Erreferentziak
  1. Kudrik, Jennifer. (2001eko iraila). «I Survived a Terrorist Attack» Cosmopolitan.
  2. (Ingelesez) «Yemeni pair charged in USS Cole bombing» CNN 2003-5-15.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.