Telekomunikazioen Batasun Internazionala

Telekomunikazioen Batasun Internazionala (ITU) Nazio Batuen Erakundearen menpeko telekomunikazioetan espezializatutako agentzia da, eta nazioarte mailan, Administrazio ezberdinen eta enpresa operadoreen arteko informazio eta komunikazio teknologiei buruzko araudien arduraduna da.[1] ITUk irrati-uhinen erabilera global partekatua koordinatzen du, hala nola telefonia mugikorrean erabiltzen diren frekuentziak, satelite artifizialen orbitak esleitzean kooperazio internazioala bultzatzen du, telekomunikazio azpiegiturak sustatzeko lanak burutzen ditu, eta mundu mailako estandar teknikoen garapen eta koordinazioan jarduten du.

Telekomunikazioen Batasun Internazionala
Datuak
Izen laburraITU, UIT eta 国际电联
MotaNazio Batuen agentzia espezializatua eta standards organization (en) Itzuli
Jarduera
KidetzaDigital Public Goods Alliance (en) Itzuli
Agintea
Zuzendari exekutiboaHoulin Zhao (en) Itzuli
Egoitza nagusi
  • Geneva
  • 46.2229396°N 6.1367762°E / 46.2229396; 6.1367762
Osatuta
ITU Radiocommunication Sector (en) Itzuli
ITU Telecommunication Development Sector (en) Itzuli
ITU Telecommunication Standardization Sector (en) Itzuli
Historia
Sorrera1865eko maiatzaren 17a
1865
webgune ofiziala
Facebook: ITU Twitter: ITU Instagram: ituofficial LinkedIn: international-telecommunication-union Youtube: UCQdZWRxu7uCjkCay0OCnvWw TikTok: itu Flickr: 42121221@N07 Souncloud: ituproduction Spotify: wkikxjmw745fr9wxo5dpuew34 Edit the value on Wikidata
ITUren egoitza, Genevan

ITU munduan gobernuarteko erakundeen artean zaharrena da, 1865 urtean jaio baitzen Parisen, hasierako telegrafo sistemak asmatu zirenetik hain zuzen.[2] Garaiko telekomunikazio sistema horien arteko konexio internazionalak kontrolatzeko sortu zen, eta ordutik, ITU agentziak hurrengo gailuen garapenak ahalbidetu ditu: irrati bidezko komunikazio, satelite artifizialen bitarteko irrati difusio, telebista, telefono eta ordenagailuena.

Erakundea Nazio Batuen Erakundearen barruan sartu zen 1947an. Geroztik, 1998 eta 2003 urteen artean teknologiaren garapenean arduradun ziren beste erakundeak bere gain hartu ditu, hala nola ITAA eta IBTA (Administrazio Teknologikoaren Kontseilu Internazionala). Egoitza Suitzako Geneva hirian du.

Eginkizunak
  • Komunikazio azpiegitura nazionalak sare globalekin konektatzea errazteko telefonia mugikorreko estandarrak garatzea. Hala, edozein herrialdetik telefono dei, fax, edota datu informazio truke perfektua bermatzen da.
  • Teknologia berriak telekomunikazio sare globalean integratzeko lanak burutzea.
  • Irrati frekuentziak eta sateliteen orbitak kudeatzea, komunikazio gailu askok eta askok erabiliak, hala nola telefono mugikorrak, irrati eta telebistak, satelite bidezko komunikazio sistemak, itsas zein aire nabigaziorako segurtasun sistemak, sistema informatikoak, eta abar.
  • 188 Estatu eta 450 enpresa baino gehiagoren arteko lankidetza sustatzea, telekomunikazio sistema hobeak eta merkeagoak garatu eta ahal beste herritarren esku jartzeko.

Telekomunikazioen Batasun Internazionala hiru sektoretan banatzen da:[1]

    • ITU-T: Telekomunikazioen Normalizazio Sektorea.
    • ITU-R: Radiokomunikazioen Normalizazio Sektorea.
    • ITU-D: Telekomunikazioen Garapen Sektorea.

Erreferentziak
  1. ITU. «¿Qué hace la UIT?» (Noiz kontsultatua: 2013-06-09).
  2. ITU. «Discover ITU's History» (Noiz kontsultatua: 2013-06-09).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.