Txikipedia:Venezuela

Venezuelaren kokapena

Herrialdeko mendirik handiena Bolivar mendia da eta 5.002 metro ditu.

Ibai nagusia Orinoko da.

Hegoaldean klima ekuatoriala dauka eta euri asko egiten du urte osoan.

Erdialdean eta iparraldean klima tropikala dauka.

Bolivar mendia

Europarrak heldu aurretik amerindiarrak bizi ziren gaur egungo Venezuelako lurretan. Adibidez, karibeak edo arawakak.

1498an heldu zen Kristobal Kolon Venezuelako lurretara eta orduan hasi ziren espainiarrak Venezuelako lurrak konkistatzen.

Caracas hiriburua

Espainiarrek 1567an sortu zuten Caracas eta hiriburu izendatu zuten.

XIX. mende hasieran independentziaren aldeko borrokak hasi ziren. Independentziaren aldeko buruzagi garrantzitsu bat Simón Bolívar izan zen, euskal jatorrikoa. 1829an lortu zuen erabateko independentzia Venezuelak.

28 milioi pertsona baino gehiago bizi dira Venezuelan. Horietatik %69 mestizoak dira. %20 zuriak. %9 beltzak. Eta %2 amerindiarrak.

Hiri nagusia Caracas da eta 5 milioi biztanle baino gehiago ditu.

Venezuelak petrolio asko dauka lur azpian, eta petrolioaren ustiapena eta esportazioa da ekonomiaren zutabe nagusia.