Txikipedia:Triangelu baten erdibidekoa
Triangelu baten erdibidekoa zuzenki bat da, erpin bat eta haren aurkako aldearen erdiko puntua lotzen dituena. Edozein triangeluk hiru erpin dauzka; beraz, erdibidekoak ere hiru dira. Hiru erdibidekoek elkar ebakitzen duten puntuari barizentro deitzen zaio.
Triangelua eta haren erdibideko bat, gorriz
Triangeluaren hiru erdibidekoak (gorriz) eta barizentroa (urdinez)
Propietateak
Triangeluaren erdibidekoek ondorengo propietateak dituzte:
- Erdibideko bakoitzak triangelua azalera berdineko bi triangelutan zatitzen du. Era berean, hiru erdibidekoek triangelua azalera berdineko sei triangelutan zatitzen dute.
- Triangeluaren erdibidekoak eta osatzen dituzten triangelutxoen azalerak
- Hiru erdibidekoek puntu bakarrean egiten dute bat: barizentroan (grabitate-zentroa ere deitzen zaio). Barizentroa beti dago triangeluaren barruan.
- Barizentroa beti dago triangeluaren barruan
- Erdibideko bakoitzak duen luzeraren 2/3 erpinaren eta barizentroaren artean daude, eta 1/3 barizentroaren eta aurkako aldearen erdiko puntuaren artean.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.